Қазақстан Республикасы Президентінің "2000 жылды Мәдениетті қолдау жылы деп жариялау туралы" 1999 жылғы 28 желтоқсандағы N 316 [ http://adilet.zan.kz/kaz/docs/U990000316_#z0 ] Жарлығына сәйкес Қазақстан Республикасының Үкіметі қаулы етеді: 1. Мәдениетті қолдау жылын өткізу жөніндегі мемлекеттік комиссия құрылсын. 2. Қоса беріліп отырған: 1) Мәдениетті қолдау жылын өткізу жөніндегі мемлекеттік комиссияның құрамы; 2) Мәдениетті қолдау жылын өткізу жөніндегі іс-шаралардың жоспары бекітілсін. 3. Облыстардың, Астана және Алматы қалаларының әкімдері, орталық атқарушы органдар Мәдениетті қолдау жылын өткізу жөніндегі тиісті комиссияларды құрсын. 4. Мәдениетті қолдау жылы бойынша іс-шараларды қаржыландыру 2000 жылға арналған бюджетте тиісті мемлекеттік мекемелерге - бағдарламалардың әкімшілеріне көзделген қаражат есебінен және шегінде жүзеге асырылсын. 5. Облыстардың, Астана және Алматы қалаларының әкімдеріне 2000 жылға арналған жергілікті бюджеттердің шығыстарында Мәдениетті қолдау жылын өткізу жөніндегі іс-шараларды қаржыландыруды көздеу ұсынылсын.
