Әсіресе, Қытайдағы этникалық қазақтар арасында байрақты додаларда топ жарып жүрген жастар көп. Соның жарқын мысалы ретінде 2025 жылдың ақпанында Харбинде өткен IX Қысқы Азия ойындарын айтуға болады. 

Харбин-2025 Қысқы Азия ойындарында Қытай ұлттық құрамасы сапында ұлты қазақ төрт спортшы өнер көрсетті. Төртеуі Қытай еліне – 2 алтын, 1 күміс, 1 қола яғни бас-аяғы төрт медаль сыйлады. 

Ақнар Адаққызы әйелдер арасында конькимен жүгіруден командалық із қуу жарысында чемпион атанды. 3 минут 02.75 секунд нәтиже көрсетіп, алтын медаль алды.  Ақнар - Қытайда туып-өскен этникалық қазақ қызы. Ол 1999 жылы 1 маусымда Шыңжаң-Ұйғыр автономиялық ауданына қарасты Құтыби ауданында дүниеге келген. 

Конькиші Ақнар бұған дейін 2019 жылғы Қытай біріншілігінде 5 000 метрлік жарыста – алтын, 3 000 метрде – күміс медаль алған еді.

Қытайдың ұлттық құрамасына 2016 жылы қабылданған. 2024 жылдың қараша айында Хатинохе қаласында (Жапония) өткен төрт құрлық чемпионатының чемпионы атанды. Сондай-ақ Бейжіңдегі XXIV қысқы Олимпиада ойындарына қатысқан спортшы. 

Жас кезінен бастап қысқы спорт түрлерімен айналысып, алғашында шорт-трекке, кейіннен конькимен жүгіруге ауысқан.

Бұл жарыста әйелдер арасында 5 шақырымға еркін стильде шаңғымен сырғанаудан Қытай құрамасындағы тағы қазақ қызы Баян Жалынқызы алтын медаль жеңіп алды. Ол шаңғы жарысында (5 км, еркін стиль) топ жарды. Осылайша, ол Азия ойындарында чемпиондық атаққа қол жеткізіп, қандастарымыздың мақтанышына айналды.

Баян Жалынқызы 1999 жылы Алтайдың Жеменей ауданында дүниеге келген. Ол Бейжің қаласында өтетін 2022 жылғы XXIV қысқы Олимпиада ойындарында Тау шаңғысы спортынан өнер көрсетеді. Баян 2018 жылдан бастап Норвегия елінде 3 жыл бойы тау шаңғысы спорты бойынша дайындалып, біліктілігін шыңдаған.

Сол секілді Қанағат Мұхаммедұлы – шаңғы жарысында күміс жүлде иегері атанды. Қытайдың Шыңжаң-Ұйғыр автономиялық ауданына қарасты Алтай ауылында 1999 жылы дүниеге келген Қанағат Мұхаммедұлы IX қысқы Азия ойындарында шаңғы жарысынан (бес )күміс медаль жеңіп алды. Ол Қытай құрамасы сапында өнер көрсетіп, қандастарымыздың ішінде ерекше нәтиже көрсеткен спортшылардың бірі.

Қытай құрамасындағы тағы бір этникалық қазақ Самғар Серікұлы ерлер арасындағы шаңғымен сырғанау спринт бағдарламасында қола медальға ие болды. Шыңжаң өңірінде туып-өскен ол шаңғы спортында мол тәжірибесі бар спортшы ретінде танылған. Жарыста 2:58.51 нәтижесімен мәреге үшінші болып жетті.

Бастапқыда Серік мәреге төртінші болып жеткен еді, бірақ жапониялық спортшы Харуки Ямашита бірінші болып келсе де, дисквалификацияға ұшырауына байланысты нәтижелер қайта қаралып, жеңіс Серіктің еншісіне бұйырды. 

Бейжіңдегі қысқы Олимпиада тағы бір қандасымыз - Қадыс Бәделханұлы есімді жас жұлдыздың жанды. Шаңғышы. Ол 1999 жылы Шыңжаңның Фукаң қаласында туған. Олимпиада ойындарында тау шаңғысы спортынан өнер көрсет

Бокс аренасында топ бастап жүрген қазақтар бар. Солардың бірі - Тоқтарбек Таңатқан. Ол да Шыңжаңның Алтай қаласында туған этникалық қазақ. 1996 жылы дүниеге келген.  2020 жылғы Токио Олимпиадасына Қытай атынан қатысты, Азия ойындарының чемпионы, әлем чемпионатының күміс жүлдегері. Бүгінде Қытайдың үздік боксшыларының бірі саналады. 2017 жылдан бері Қытай ұлттық құрамасында өнер көрсетеді.

Басқа елдердегі мысалдар

Моңғолия: Этникалық қазақтар бокс пен дзюдодан үздік нәтиже көрсетіп келеді. Олардың ішінде Нұрлан Асқарұлы мен Ерболат Төлекұлының есімі ерекше аталады. Екеуі де Моңғолияның үздік 10 боксшысының қатарында.

Серік Бердімұрат – жастар құрамасында дзюдо/самбо бойынша әлемдік деңгейде өнер көрсеткен. 

Баскетболдан Бұлбұл Мұрат есімді жұлдыз бар. Моңғолия ұлттық құрамасында ойнайды.

Ресей: Грек-рим күресінен Әділет Төлеубаев (Омбы өңірі) Ресей құрамасы сапында лицензиялық турнирлерге қатысады.

Өзбекстан: Ескек есуден Серік Мейірбеков Өзбекстан құрамасының мүшесі.

Бұл – тек соңғы жылдардағы жарқын мысалдар. Қазақтың спорттық таланты, төзімділігі мен жігері шекараны білмейді. Қай елде туып-өссе де, қазақ спортшылары өзінің еңбегімен, қайсарлығымен әлемді таң қалдырып келеді.