Мұражай ұсынылған бұйымдар қазақ халқының мәдени-тұрмыстық ерекшеліктерін көрсетеді және қазақ ұлттық мәдениетінің бірегей бөлігі болып табылады.
Мемлекеттік алтын және асыл металдар мұражайында «Тарихи жәдігерлер»
көрмесі ашылды.
Экспозицияда мұражай экспонаттарының
жиынтығы - тұрмыстық заттар, ұлттық әшекейлер, антиквариат (күміс ыдыс жиынтықтары)
бұйымдар ұсынылған, astana.gov.kz
сілтеме жасап inform.kz хабарлайды.
«Қазақстан Республикасының Мемлекеттік алтын және асыл металдар мұражайы
1990 жылы ҚР Үкіметінің «Қазақстан халқы тарихи-мәдени мұрасының кейбір
объектілерін сақтау жөніндегі қосымша шаралар туралы» қаулысына сәйкес
ұйымдастырылды. Мұражай қызмет ету саласы бойынша ғылыми-зерттеу,
мәдени-бұқаралық мекеме, көшпенділер дәуірінен қазіргі заманға дейінгі
Қазақстанның зергерлік өнер бұйымдары мен кешендерін сақтайтын негізгі орын
болып табылады. Мұнымен қоса, скиф-сақ аргеологиясы, металды көркемдік өңдеу
және қазақстандық сәндік-қолданбалы өнер сынды бөлімдерден тұрады»,- делінген
хабарламада.
Мұражай ұсынылған бұйымдар қазақ халқының
мәдени-тұрмыстық ерекшеліктерін көрсетеді және қазақ ұлттық мәдениетінің
бірегей бөлігі болып табылады.
Көрме 2014 жылғы 27
қаңтарға дейін жалғасады.