![Түркияда Зейнолла Самашевтың көрмесі ашылды Түркияда Зейнолла Самашевтың көрмесі ашылды - e-history.kz](/storage/tmp/resize/news/1200_0_Yw3NlI20XlDKSnVehAkfPv1msm3Zvxa8LFjeMaaz.jpg)
Анкарадағы тарихи Анадолы өркениеттер музейінде «Ұлы Дала Алтыны» атты көрме ашылды. Көрменің авторы – танымал археолог, профессор, тарих ғылымдарының докторы – Зейнолла Самашев.
ҚР Ақпарат және мәдениет министрлігінің ресми сайтының хабарлауынша, көрмеге әйгілі Берел, Елеке сазы, Қарақаба археологиялық орындардан табылған жәдігерлер топтамасы қойылған.
![](/storage/images/news/GF/Bc/Ns/GFBcNs0dTMzeZTOh2ZTXgNCqQ4Q6xbnTxZkBLMmL.jpg)
Берел қорымынан табылған ат әбзелдері мен әйелдер киімдерінің ғылыми реконструкциялары көрмедегі ең көз тартатын жәдігерлердің бірі болды. Сонымен қатар, VIII ғасырда өмір сүрген жауынгер-музыканттың реконструкциясы, Қатонқарағай ауданы Қарақаба қорымынан табылған музыкалық аспаптар, дулыға маскасы, әшекейленген жауынгерлік белбеу, қынап, қылыш, садақ пен жебелер, Қимақ қағанаты жауынгерінің қару-жарақтары мен киімдері көрермендерге таныстырылды.
![](/storage/images/news/Io/2w/lz/Io2wlzgYEZVYwK4LKqZXz8tly432fBJBfNK3K6Zy.jpg)
Тоқыма бұйымдарының реконструкциялары Венгрия шеберханасында арнайы табиғи жібек матадан жасалған.
Көрменің маңызды элементі - №11 Берел қорғанынан (б.з.д. IV-III ғғ.) табылған ат әбзелдері болып табылады. Ат әбзелдерінің салатанатты әшекейлері оның дәрежесіне қарай ерекше керек-жарақтары болуымен, атап айтқанда, алтын өрнектермен безендірілген ағаш мүйіз маскасымен және былғарымен ерекшеленеді. Ершік полиморфты жануарлардың бейнелерімен безендірілген.
![](/storage/images/news/rq/1f/su/rq1fsu33qGqnnPMtgsjums7pszOdiDbvtLq8FMVj.jpg)
Экспонаттар елімізде біздің дәуірімізге дейінгі 1 мыңжылдықта дамыған қоғам мен өзіндік ерекше мәдениеті бар көшпелілер «өркениетінің» болғанын, оның қабаттасуы көшпелі мал шаруашылығына, тау-кен өнеркәсібіне, металлургияға және озық қолөнерге негізделгенін дәлелдейді.
Көшпелілер дәуіріндегі зергерлік бұйымдар өркениет дамуының ең биік деңгейін, сондай-ақ, өткен ғасырлардағы зергерлердің тамаша шеберлігін көрсетіп, қазақ халқының тарихына жаңаша көзқараспен қарауға мүмкіндік береді.
![](/storage/images/news/lE/ZR/vQ/lEZRvQ4nDuwSGa8HF8MYA4DjOjxROakB7hgNV7jB.jpg)
Сондай-ақ, дәл осы күні музейде археолог, профессор, тарих ғылымдарының докторы Зейнолла Самашевтың «Көне түрік бейнелеу өнері» атты кітабының тұсаукесері өтті.
Суреттер Ақпарат және мәдениет министрлігінің есми сайтынан алынды