Бір халық өзінің тарихын білмесе, бір ел өзінің тарихын жоғалтса, оның артынша өзі де жоғалуға ыңғайлы болып тұрады.
Міржақып Дулатұлы

Дархан Қыдырәлі: Архивтер ережеге сай емес ғимараттарда орналасқан

948
Дархан Қыдырәлі: Архивтер ережеге сай емес ғимараттарда орналасқан - e-history.kz

Сурет: el.kz

Еліміз бойынша архив қоймаларының толу көрсеткіші 90%-дан асады. Кейбір өңірлерде 100% толып қалуына байланысты құжаттар сақтауға қабылданбайды. Сенатор Дархан Қыдырәлі осы мәселе туралы айтып берді, деп хабарлайды “Қазақстан тарихы” порталы El.kz ақпарат агенттігіне сілтеме жасап.

Сенатор өзінің депутаттық сауалында салада проблемалар жеткілікті екенін және оларды шұғыл шешу қажет екенін атап өтті.

Айтуынша, мұрағат басқармаларының 98%-ы заңнама талаптарына сәйкес келмейтін ғимараттарда орналасқан.

2022 жылы қаңтар айында Алматы, Талдықорған, Қызылорда, Тараз қалаларының ведомстволық архивтері отқа оранды. Түрлі апаттар мен төтенше оқиғалар болған жағдайда құжаттарды эвакуациялайтын арнайы орындар мүлде жоқ, - деді сенатор.

Сондай-ақ ол елде 229 мемлекеттік және арнайы мұрағат жұмыс істейтінін атап өтті. Олар кәсіби кадрлардың жетіспеушілігін қатты сезінеді. Өңірлерде кадрлар ауысымы 50%-ды құрайды. Жалақы аз, жүктеме көп болғандықтан маман тұрақтамайды.

Архив саласындағы ахуалды саралай келе төмендегідей сауалдар туындайды. Архивтерді тиісті ғимараттармен қамтамасыз ету бағытында қандай жұмыстар атқарылуда? Төтенше жағдайларда архивтерді эвакуациялайтын орындар мен нақты пысықталған жоспар бар ма? Өңірлерде, оның ішінде жаңадан құрылған облыстарда архив саласын дамыту үшін республикалық бюджеттен трансферттер бөлу көзделген бе?, - деп сұрады Дархан Қыдырәлі.

Автор:
Сауалнамалар
Мектептердегі тарих пәнін оқыту деңгейін қалай бағалайсыз?