![Хан Ордасында визит орталық ашылды Хан Ордасында визит орталық ашылды - e-history.kz](/storage/tmp/resize/news/1200_0_MHRqhiLiDOLHuGEMqiOEE4L5ZymyWvSKLsyF7urP.jpg)
Батыс Қазақстан облыстық Хан Ордасы тарихи-мәдени, архитектуралық-этнографиялық музей-қорығында келушілерді қабылдауға арналған визит орталық ашылды.
Хан сарайымен үйлесімді салынған, келушілерге жайлылық сыйлайтын жаңа технологиялармен жабдықталған визит орталығының мақсаты – өлкеміздің мәдени мұрасын еліміз бен шетелге насихаттау, Хан Ордасы музей-қорығында, ауданымызда орналасқан тарихи ескерткіштерді қорғау және олардың сақталуың қамтамасыз ету, келушілерге толық ақпарат беретін және заманауи талаптарға сай туристік орталық қалыптастыру.
![](/storage/images/news/LA/N3/OQ/LAN3OQ6ehDzIkHbBnxXBtVIrnyAT16FUBKLHhdhs.jpg)
Мұндағы қызметкерлердің айтуынша, келушілер алдымен ресепшннен музей-қорық музейлері туралы сұрақтарына толықтай жауап алса, музей-қорық төлқұжатынан, электрондық киоскіден әрбір келуші өз бетінше мәлімет алуына болады.
![](/storage/images/news/27/oe/8x/27oe8xHQ94Q7sW9kYTJ5kIfkDlI4UhvJclgqy2b4.jpg)
"Музей-қорыққа балалар мен сәби бар ата-аналар да көп келеді. Музейлер бірнеше ғимаратта орналасқандықтан, ата-аналары бұрын бөбектерін ғимараттан ғимаратқа алып жүретін. Енді міне арнайы “Балалар бөлмесі”жасалып отыр. Балалар теледидардан танымдық мультфильмдер көріп, ұнатқан ойыншығымен ойнайтын болады. Сондай-ақ осында ақпараттық бөлімдер, фотостудия, кафетерий орналасқан"-дейді музей-қорығының ақпарат бөлімінің басшысы Г. Нұрболатқызы
![](/storage/images/news/5G/PG/AV/5GPGAVrL0g0SqFjPVN2koFE71c9CYsefG5P0U1sw.jpg)
Сонымен қатар “Ақпараттық бөлімінінің” жұмыс кабинетінде көпшілікке ұсынатын ақпараттар дайындалады.
![](/storage/images/news/KM/3i/Hj/KM3iHjdVE3gV3pBBXu2NNb6zoJrBg4Df56cb4SBk.jpg)
Ақпараттық зал өнер қайраткерлерінің, ақындардың өз даусымен жазылған таспаларды тыңдауға, олар туралы мағлұматтар алуға және әртүрлі шаралар ұйымдастырылады.
![](/storage/images/news/0Y/GZ/W3/0YGZW38m3pbCDomO98n2swOeoAyheKcynYvPgle5.jpg)
Хан Ордасы музей-қорығының ақпарат бөлімінің басшысы Гүлзада Нұрболатқызының айтуынша, визит орталықпен қатар 2 музей және әкімшілік ғимарат ашылған. Оның бірі – Алма Оразбаева атындағы мемориалдық музей болса, екіншісі – Сейітқали Меңдешев атындағы мемориалдық музей.
![](/storage/images/news/Pn/62/oL/Pn62oLkmoUZXSdMV2zswPXAglv0a7nYyDJpUHh6K.jpg)
Фотостудия залы келушілердің ұсыныстарымен осы залда не болмаса музей-қорық ауласында, музей экспозициясында суретке түсіріп, сол сәтте шығарылып береді. Бұған қоса түрлі тақырыптағы буклеттер, жолсілтемелер, т.б. бастырылады екен.
Бір қуанарлығы, мұнда Музей қонақтарының ауқаттануына арналған кафетерий де бар екен.