Халықаралық балаларды қорғау күннің басты мақсаты — әлемнің ең кішкентай тұрғындарының мүдделері мен құқықтарын қорғау, өйткені оларды мұңға бөлеу және қауіп төндіру өте оңай. Балалар әлемнің барлық елінде түрлі трагедияларға душар болады, сондықтан қоғамның осы мәселеге көңіл бөлуі және балаларды ересектердің қателігінен қорғап қалуы өте маңызды. Өскелең өреннің дамуына және рухани-мәдени өсіп жетілуіне қолдау көрсету керек. Сонымен бірге олардың өмірін қызықты әрі бақытты ету қажет. Түрлі концерттік бағдарламалар, ұлттық құндылықтарымыз және тарихымызбен таныстыратын көрмелер, танымдық іс-шаралар осы мерекенің бағдарламасында енеді.
Осыған орай, Ұлттық музейде де балаларға арналған мерекелік іс шаралар ұйымдастырылды. Алдымен, «Первомайский» балалар үйінің тәрбиеленушілеріне арналған қайырымдылық акциясы ұйымдастырылып, балалар өз өнерлерін ортаға салды.
Сондай-ақ, Ұлттық музей қызметкерлерінің балаларының қатысуымен өткен қайырымдылық концертте Қазақстан эстрада әншілері мерекелік бағдарламасын ұсынды.
Шара барысында Астана қаласындағы балалар үйлерінің тәрбиеленушілері мен орта мектеп оқушыларына арналған мәдени-ағартушылық бағытта бірнеше іс-шара ұйымдастырылды. Балаларға арналған Қазақ хандығының 550 жылдығы, Қазақстан халқы Ассамблеясының 20 жылдығы, Жеңістің 70 жылдығы мен Қазақстан Республикасы Конституциясының 20 жылдығына арналған театрландырылған тақырыптық экскурсиялар, ойын-сауықтық, танымдық бағдарламалар қойылды.
Балаларды қорғау күні — ежелгі халықаралық мейрамдардың бірі. Алғаш рет бұл мейрам туралы 1925 жылы Дүниежүзілік Женева коференциясында айтылды, сол конференцияда балалардың саулығы туралы мәселе қарастырылғып, 1 маусым - Халықаралық балаларды қорғау күні болып белгіленді. Алайда, бұл дата Екінші дүниежүзілік соғыстан кейін біржола бекітілді, ол кезде балалардың мәселелері аса актуалды еді.
