Бірақ кейінірек жарыс пен сайыс мәресіне жетіп, уақыты өткен соң жүлде алған жүйріктердің медальдары қанша, қай жерде тұр деп ойланып көрдіңіз бе? Ендеше Алматы қаласындағы Сейфуллин көшесі 551 (Бөгенбаймен қиылысында) Республикалық спорттық және олимпиадалық даңқ музейіне аялдай кетсеңіз артықтық етпейді.
Музей күнделікті сағат 10.00–17.00 аралығында жұмыс істейді. Сенбі күні ғана 10.00–14.00 уақытында ашық болса, жексенбі күні демалыс болғандықтан жабық болады. Кіру құны да қымбат емес үлкендерге — 70, студенттерге — 50, балаларға — 30 теңге. Сосын қоса кетер қызықты жайты музей Мемлекет қорғауындағы ғимаратта орналасқан.
Музей ауласына енген бетте алшысынан түсіп тұрған асық тұр. Қазақтың «әрдайым асығың алшысынан түссін» деген батасы бар емес пе? Несі бар үнемі жарыс алаңында жүретін спортшылар үшін жақсы ырым.
Шағын ғана музейге кірген бетте қазақтың балуан ұлдары Балуан Шолақ, Қажымұқан, Жақсылық Үшкемпіров, Дәулет Тұрлыхановтың суреттері ілінген.
Оң жақ бетте ҚР спортшыларының шет елге шыққан сапарлары әлем картасында бедерленген. Қазақстан спортшыларының ізі тиген жерлер.
Музейде: «Тәуелсіз Қазақстан», «Әлем, Европа және Азия чемпиондары», «Салауатты өмір салты» деп аталатын үш зал бар.
«Тәуелсіз Қазақстан» залы
«Әлем, Европа және Азия чемпиондары» залы
Медальсыз-ақ мойындалған майталмандар
Қабырғаға оқ ату спортынан Европаның екі дүркін чемпионы А.Асановтың жүлделері
Олжас БЕРКІНБАЕВ
Суреттерді түсірген автор
Астана-Алматы-Астана
