«Томирис – сақ ханшайымы» эпикалық драмасының тұсаукесері 2015 жылдың 27 ақпанында өтті, бірақ «Жастар» жастар сарайының сахнасында осы жылдың 29 қарашасында алғаш рет қойылып отыр.
Пьеса Болат Жандарбековтың «Сақ» романына негізделген.
Спектакльдің негізгі кейіпкерін М. Горький атындағы драма театрының актрисасы Анастасия Воронцова сомдады. Басқада да театр актерлары жоғары деңгейде кейіпкерлерін алып шықты.
Оқиға б.з.д. 530-529 жылдары орын алады. Сақ ханшайымы – Томирис бастаған массагеттердің Парсы патшасының зорлық-зомбылығына қарсы шайқастары жайлы. Рүстемді (патшайымның күйеуі) және Спаргаписті (патшайымның ұлы) қатыгездікпен өлтіргеннен кейін Томирис Кирден кек қайтарды және, уәде етілгендей, оның басын қанға малып қойды.
Қойылым барысында - сол заманның киімдері, актерлердің шеберлігі, дикорациялар, қорқынышты әуендер көрермендерге әсерлі көңіл күй сыйлады.
Спектакльдан соң «Томирис» Анастасия Воронцова өзінің кейіпкері жайлы, дайындық барысы туралы «NDH» порталына айтып берді:
– Қазіргі таңда драма театры – Еуропа драма театрының оқытушысы Лев Додиннан сахналық сөйлеу шеберілігінен сабақ алып жатырмыз. Мұғалімнің айтуынша, қойылымда тек актерлер ғана жұмыс жасамау керек, көрермендер де қосылу керек.
Физикалық, моральдық тұрғыдан болсын, спектакль өте ауыр. Дайындық барысы оңай болмады. Бізді арнайы дайындалған каскадер келіп, күрес түрлеріне, найза мен қылыш ұстаудың айла тәсілдеріне үйретті. Бір эмоционалдық күйден екінші күйге ауысуда оңай емес. Мысалы, «Томирис» өзінің ұлының өлімін естігенде жылау керек болды. Шынайы өмірде, алғаш қойылымға дайындық басталар алдында менің әкем өмірден озды. Осы төрт жыл ішінде менің қойылымның осы бір сәтінде, әкемді есіме алып жылаймын. Кейіпкерімді осылай жылатамын.
