Басты бет Оқиғалар күнтізбесі 4 Қараша

Оқиғалар күнтізбесі

4 Қараша

4 Қараша 1988

29 жыл бұрын Алаш Орда қайраткерлерін ақтау туралы қаулы қабылданды

1988  жылдың 4 қарашасында Жоғарғы соттың қылмысты iстер жөнiндегi алқа мәжiлiсiнде «Совет өкіметін қарулы көтеріліс арқылы құлату мақсатында ұйымдасқан «Алаш Орда» қайраткерлерінің контрреволюциялық, террористік астыртын құпия ұйымын әшкерелеу ісіне» қатысты сот үкімі қайта қаралады. Аталған істі қайта қарау алаш ардақтыларының ақталып, ортамызға оралуына түрткі болды

4 Қараша 1952

«Қазақстан мұғалімі» апталық газетінің алғашқы саны жарық көрді

Айына екі рет шығады.

4 Қараша 1880

135 жыл бұрын түркітанушы, Қазақстанның еңбек сіңірген ғылым қайраткері Сергей Ефимович Малов дүниеге келді

Сергей Ефимович Малов – түркітанушы, филология ғылымдарының докторы, Қазақстанның еңбек сіңірген ғылым қайраткері, профессор, КСРО ҒА мүше-корреспонденті.

Ресей Федерациясының Қазан қаласында туған. Қазан рухани академиясын, Санкт-Петербор университетін бітірген.

С. Малов 1909-1911 мен 1913-1914 жылдарында Батыс және Орталық Қытайда болып, ұйғыр, сары ұйғыр, лобнор және салар халықтарының тілі мен этнографиясы, фольклоры туралы мол деректер жинады, сондай-ақ, Қытайдағы түркі тілдеріне алғаш рет сипаттама берді. 

Ол көне түркі жазба нұсқаларын, Орхон-Енисей жазу ескерткіштерін зерттеп, очерктер, сөздіктер жазып, аударма жұмыстарымен де айналысып жүрді. 

Сондай-ақ, В. Радловпен бірге көне ұйғыр жазба ескерткіші «Алтын ярұқты» (Х-ХІІІ ғасыр) анықтап, жарыққа шығарды.

1918-1919 жылдары Қазан қаласындағы Халыққа білім беру институтының, 1923-1927 жылдары Ташкенттегі Орта-Азиялық мемлекеттік университетінің, 1927-1938 жылдары Санкт-Петербордағы Шығыс (тірі) тілдері институтының, Қызыл профессура институтының, Солтүстік халықтары институты аспирантурасының, Материалдық мәдениет тарихы мемлекеттік академиясының оқытушысы, 1938-1957 жылдары КСРО Ғылым академиясы Тіл және ойлау институты (КСРО ҒА Тіл білімі институты) түркі тілдері секторының меңгерушісі қызметтерін атқарған. 1943-1945 жылдары Қазақ мемлекеттік университетінің (әл-Фараби атындағы Қазақ ұлттық университеті) және Қазақ мемлекеттік педагогикалық институтының (Абай атындағы Қазақ ұлттық педагогикалық университеті) оқытушысы болған.

Ленин және Еңбек Қызыл Ту ордендерімен марапатталған.