Қазақстанда кеңес билігінің орнауы
Тоталитарлық жүйенің қалыптасу кезеңіндегі Қазақстан
Большевиктер Петроградта уақытша үкіметті құлатып билік басына келді
25 қазан 1917 ж.
Қазақстанда жаңа биліктің шынайы үдерісін нығайту 1917 жылдың соңынан 1918 жылдың наурызына дейін, төрт айға созылды. Жергілікті ұлт көшбасшылары саяси басшылықты өз қолдарына алуға тырысты. Аймақта ұлттық автономиялар құрылды.
Түркістан (Қоқан) автономиясы құрылды
27 қараша 1917 жыл
Қоқанда "Шуро-и-Исламия" басшылығы шақырған IV Төтенше өлкелік жалпымұсылман съезінде Түркістан "Ресей федеративті демократиялық республикасымен бірліктегі автономиялық аумақ" болып жарияланды
РСФСР құрамындағы Түркістан АКСР
30 сәуір 1918 жыл
Түркістан кеңестік республикасы (ТКР) 1918 жылдың 30 сәуірінде Кеңестердің V өлкелік съезінде (Ташкент) жарияланды. Оның құрамына бұрынғы Түркістан генерал-губернаторлығы аумағына кірген Закаспий, Самарқан, Жетісу өлкесі мен Ферғана, Сырдария облыстары кірді. 1918 жылдың мамырында Түркістан әскери округы құрылды.
«Қырғыз Автономиялық Кеңестік Социалистік Республикасын құру туралы» Декрет. (Қазақ АКСР)
26 тамыз 1920 жыл
1920 жылдың 4-12 қазанында Орынбор қаласында болған Қазақстан Кеңесі Құрылтайшыларының сиезі Қазақ АКСР-ының құрылуын автономиялық бірлік түрінде РКФСР-ге кіретін жұмысшылар, еңбекші қазақ халқы, шаруалар, казактар, қызыл әскер депутаттары Кеңесінің республикасы ретінде бекіткен Қырғыз (Қазақ) АКСР-ы еңбекшілерінің құқықтары Декларациясын қабылдады. Басшысы С. Меңдешев болған Орталық атқару комиететі (ОАК) және басшысы В. Радус-Зенькович болған халық комиссарлар Кеңесі (ХКК) сайланды.
