«Көшелер тарихының» бүгінгі шығарылымы заңғар жазушы, академик Мұхтар Әуезов атындағы көше турасында болмақ. Мұхтар Әуезов көшесі Астана қаласының оң жағалауында орналасқан. Ол Амангелді Иманов көшесінен басталып, Әлия Молдағұлова көшесінде аяқталады. Кенесары, Абай даңғылын, Жақып Омаров, Сәкен Сейфуллин, Әліби Жангелдин, Бөгенбай батыр даңғылын, Ықылас Дүкенұлы, Мәскеу көшелерін қиып өтеді.