Жарияланымдар

«Елім деп соққан ұлы жүрек» көрмесі ашылды

30 Қараша 2018
659
0
«Елім деп соққан ұлы жүрек» көрмесі ашылды
Бүгін Қазақстан Республикасы Ұлттық музейінің Ғылыми кітапханасында ҚР Тұңғыш Президент күніне орай «Елім деп соққан ұлы жүрек» атты кітап көрмесі ашылды.

   Көрменің мақсаты – Қазақстан Республикасының тұңғыш Президенті Нұрсұлтан Әбішұлы Назарбаевтың өмірінен мағлұмат беріп, жүріп өткен сара жолын келер ұрпаққа таныстырып, Ұлы даланы әлемге танытып жатқан, көз алдымызда қарыштап дамып келе жатқан тәуелсіз мемлекетіміздің өткенімен болашағын тануды дәріптеу.

   «Көрмеде Президенттің ғұмырнамасынан бастап, туып-өскен жері, білім алуы мен қызмет жолының бастау алуынан бастап әлем таныған ұлт көшбасшысы болуына дейінгі сәттер мен уақытты баяндайтын дүниелер қойылған. Сондай-ақ, Елбасының әлем елдерінің басшыларымен кездесуінің көріністері мен халықаралық айтулы шараларда сөйлеген сөздерінің жинағы орын алған. Одан бөлек, көрменің бір бөлігін Астанаға арнадық. Өйткені елорданың өткені мен бүгіні Елбасының атымен тығыз байланысты екенін бәріміз білеміз Көрме желтоқсан айының соңғы күніне дейін жалғасады. Барлықтарыңызды тұңғыш Президент күнімен құттықтаймын», – деді көрмені көрермендерге таныстырған ҚР Ұлттық музейінің ғылыми кітапхана жетекшісі Толқын Дариш.

 

   Көрме ұйымдастырушыларының айтуы бойынша, Президент туралы кітаптар орыс, беларус және украин тілдерінде де бар екен.

Елбасына арналған көрмеге мектеп оқушылары мен БАҚ өкілдері қатысты.

Материалды көшіріп жариялау үшін редакцияның немесе автордың жазбаша, ауызша рұқсаты қажет және National Digital History порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. kaz.ehistory@gmail.com 8(7172) 79 82 06 (ішкі – 111)

Пікірлер

Пікір қалдыру үшін кіріңіз немесе тіркеліңіз
Ең көп оқылған
Сауалнама

«Болашақ» бағдарламасына 25 жыл толды. Бұл бағдарламаға қатысыңыз бар ма?