Бір халық өзінің тарихын білмесе, бір ел өзінің тарихын жоғалтса, оның артынша өзі де жоғалуға ыңғайлы болып тұрады.
Міржақып Дулатұлы

Ұлт күрескері Зуқа батырдың мерейтойы жоғары деңгейде тойланбақ

2926
Ұлт күрескері Зуқа батырдың мерейтойы жоғары деңгейде тойланбақ - e-history.kz
Туғанына 150 жыл толып отырған халық батыры, қажы, ұлт күрескері Зуқа Сәбитұлының мерейтойына қатысты іс-шаралар ел ордасы Астана қаласында бастау алады

Маусымның 14-нші жұлдызында Қазақстан Республикасы Қарулы Күштерінің Әскери-тарихи музейінде «Тәуелсіздік жолында» атты көрменің ашылуы салтанатты түрде өтеді. 

667635e2061cc4ba6bf3db28ea4b0ec7.jpg

3cd8d4cd9fcaac6760c64a6678b461ee.jpg

Музейде батыр баба тұтынған заттар: тұскиізі, қалпағы, басы салынған қоржынның бөліктері, әкесі Сәбит молданың асатаяғы, ұрпақтарының фотосуреттері мен ол туралы жазылған тарихи кітаптар, құжаттар қойылған. сонымен қатар сол уақыттың көрінісі болардай тарихи фотосуреттер, тұрмыстық құралдар, батыр тұлғасы бейнеленген картиналар, т.т. жұртшылыққа таныстырылады. 

05fc8debe63a6ce2bedfd34c49bb52d7.jpg

c172f89ec386d49a9b3bfbde52a2e69f.jpg

Салтанатты шараға алыс-жақын шетелдерден батыр ұрпақтары, ғалымдар мен зерттеушілер және қазақ интеллигенциясының көрнекті өкілдері қатысады. Түс ауа аталған ғимараттың конференц-залында «Тәуелсіздік арманы және Зуқа батыр» атты халықаралық ғылыми-теогриялық конференция басталады. Әлемнің 11 мемлекетінде тұлғаның мерейтойы жоғары деңгейде өтеді деп жоспарланған. 

398f5050ce029ed8679d7e68615315eb.jpg  229180273869fe333eaa6c0238c3aa7d.jpg

Сонымен қатар осыдан бірнеше ай бұрын жарияланған «Мәңгілік ел және Зуқа батыр» атты шығармашылық бәйге жеңімпаздарын марапаттау рәсімі болады деп күтілеуде. Зуқаның тарихи тұлға екендігін, аңызы мен ақиқаты және көркем шығармалардағы бейнесі, т.т. тақырыптарды көтерген мақалалар мен батыр тұлғасын айшықты жырлаған жыр мүшайраларының авторлары анықталады. 

b9d120ba3957dfc7cf831d5059b8ece5.jpg

225c769f77dfce981a1c42ddb9d71752.jpg

Шара барысында Зуқа батыр Сәбитұлының өмірі мен бостандық үшін күресі хақында жазылған Батырхан Құсбегиннің «Зуқа батыр» және қайсар қаламгер Қажығұмар Шабданұлының «Пана» романдарының беташар рәсімі өткізілмек. Концерттік шаралар ұйымдастырылып, Алтай-Тарбағатай жырлары мен әндері орындалады. 

Соңында кешкі ауызашар уақытында Әзірет сұлтан мешітінде баба аруағына бағыштап құран оқылып, ас беріледі деген жоспар бар. 

Заңғар Кәрімхан

Автор:
Сауалнамалар
Мектептердегі тарих пәнін оқыту деңгейін қалай бағалайсыз?