«Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек»
Н. Ә. Назарбаев

Астанада тарихи-мәдени мұраларды сақтаудың өзекті мәселелері қаралады

1483
Астанада тарихи-мәдени мұраларды сақтаудың өзекті мәселелері қаралады
ҚР Ұлттық музейінде 2015 жылғы 12 наурызда, сағат 10.00-де «Қазақстанның тарихи-мәдени мұраларын қорғау мен сақтаудың өзекті мәселелері» атты дөңгелек үстел өтеді.

Дөңгелек үстел барысында бүгінгі таңда өзекті болып табылатын Қазақстанның мәдени құндылықтарын қорғау және сақтаудың заңдық аспектілері, еліміздің тарихи-мәдени мұраларын қадағалаудағы кейбір олқылықтар талқыланады және осының негізінде қордаланған мәселелерді шешудің жолдары ұсынылады. 

Аталған көкейтесті мәселелерді талқылауға Қазақстан Республикасының Парламент Мәжілісінің депутаттары, Қазақстан Республикасының Бас прокуратурасы мен Ұлттық кәсіпкерлер палатасының өкілдері, белгілі археолог ғалымдар, ескерткіштерді қалпына келтіру саласының мамандары, ескерткіштерді қорғау мен сақтауға жауапты жергілікті атқарушы органдары өкілдерінің қатысуы күтілуде.