Бір халық өзінің тарихын білмесе, бір ел өзінің тарихын жоғалтса, оның артынша өзі де жоғалуға ыңғайлы болып тұрады.
Міржақып Дулатұлы

Мәдени серуен: Республикалық спорттық және олимпиадалық даңқ музейі

2603
Мәдени серуен: Республикалық спорттық және олимпиадалық даңқ музейі - e-history.kz
Спорт десе делебесі қозбайтын жан жоқ шығар. Олимпиада болғанда көгілдір жәшікке телміріп, жан алысып, жан беріскен жарысқа жанкүйер болатынымыз жасырын емес.

Спорттық сайыста біреу жеңеді, біреу жеңіліп жер құшады. Сайыс заңы қатал-ақ. Соңында барып, саулаған тері мен еселеп кеткен күшінің нәтижесін көріп, бағы мен бабы жанған біреуі бәйгеден оза шауып, лайықты жүлдесін мойынға тағады. Алтын алса тіске салып, «дәмін» көреді. Бұл бұлжымас қағида.


Бірақ кейінірек жарыс пен сайыс мәресіне жетіп, уақыты өткен соң жүлде алған жүйріктердің медальдары қанша, қай жерде тұр деп ойланып көрдіңіз бе? Ендеше Алматы қаласындағы Сейфуллин көшесі 551 (Бөгенбаймен қиылысында) Республикалық спорттық және олимпиадалық даңқ музейіне аялдай кетсеңіз артықтық етпейді. 

Музей күнделікті сағат 10.00–17.00 аралығында жұмыс істейді. Сенбі күні ғана 10.00–14.00 уақытында ашық болса, жексенбі күні демалыс болғандықтан жабық болады. Кіру құны да қымбат емес үлкендерге — 70, студенттерге — 50, балаларға — 30 теңге. Сосын қоса кетер қызықты жайты музей Мемлекет қорғауындағы ғимаратта орналасқан.

be8ea86803c39792beaa1d39889401ea.jpg

Музей ауласына енген бетте алшысынан түсіп тұрған асық тұр. Қазақтың «әрдайым асығың алшысынан түссін» деген батасы бар емес пе? Несі бар үнемі жарыс алаңында жүретін спортшылар үшін жақсы ырым.

f9a0cc35aebf3ad1f2d1225700e8e3a1.jpg

Музей ауласындағы алшысынан түскен асық

6bea2d464e0ba35745be133dcc4563b2.jpg

Шағын ғана музейге кірген бетте қазақтың балуан ұлдары Балуан Шолақ, Қажымұқан, Жақсылық Үшкемпіров, Дәулет Тұрлыхановтың суреттері ілінген.

406a2d9ead0fe34487f8b32e07c8b624.jpg

Оң жақ бетте ҚР спортшыларының шет елге шыққан сапарлары әлем картасында бедерленген. Қазақстан спортшыларының ізі тиген жерлер.

Музейде: «Тәуелсіз Қазақстан», «Әлем, Европа және Азия чемпиондары», «Салауатты өмір салты» деп аталатын үш зал бар.

4ccd32b48476dbbd16e520c5aed13048.jpg

«Тәуелсіз Қазақстан» залы

80acbbec512686b5f84b43e498e749d7.jpg

1997 жылы Румыния астанасы Бухарестте кикбоксингтен өткен жарыста жеңімпазға берілген Кубоктар.

af6e4f1b0c2f6c2cc447451b4aa55c3f.jpg

«Әлем, Европа және Азия чемпиондары» залы

03ffa1700cf3d8081a44cb2a876121b5.jpg

Олимпиада және Әлем чемпиондарының жаттықтырушыларына арналған ескерткіш тақта аталған залда орналасқан.

70c69ac0e591c5106f12ad5abe1ae29c.jpg

Медальсыз-ақ мойындалған майталмандар

3b3698e94caebf89b295e709727bef44.jpg

Қазақ Туризм және Спорт академиясының Президенті К. Х. Закирьяновтың ҚР таэквондо спортын дамытуға қосқан үлесі үшін Азия таэквондо федерациясынан алған ордені

8441bafe77eae20b4e02a9e45a0a240c.jpg

902cfb4f99c35453bac51f453ee8bff3.jpg

Қабырғаға оқ ату спортынан Европаның екі дүркін чемпионы А.Асановтың жүлделері

fe7e5819d8553404f1cb4826ecb5819b.jpg

Ұлттық спорт түрлеріне арналған бөлме

c50618a00c846f0feb7f32ffa47ab9cb.jpg

Қазіргі кезде дамып, қанатын кеңге жая бастаған «Қазақша күрес» үйрететін оқулықтар.


Олжас БЕРКІНБАЕВ
Суреттерді түсірген автор
Астана-Алматы-Астана


Автор:
Сауалнамалар
Мектептердегі тарих пәнін оқыту деңгейін қалай бағалайсыз?