Бір халық өзінің тарихын білмесе, бір ел өзінің тарихын жоғалтса, оның артынша өзі де жоғалуға ыңғайлы болып тұрады.
Міржақып Дулатұлы

Астанада ҚР Ұлттық мұражайы ашылды

3698
Астанада ҚР Ұлттық мұражайы ашылды - e-history.kz
Кеше, 2 шілдеде барлық қазақстандықтар үшін айтулы оқиға - Қазақстан Республикасы Ұлттық музейінің ресми ашылу салтанаты өтті.

Орталық Азияда баламасы жоқ бірегей жобаның салтанатты ашылуына мемлекет Басшысы Н.Ә. Назарбаев қатысты.

Мұражайдың баспасөз қызметі хабарлағандай, көлемі 74 мың шаршы метрден асатын Ұлттық музейге Қазақстанның ерте ғасырдан бүгінгі күнге дейінгі археологиялық, этнографикалық жәдігерлері мен мәдени ескерткіштері жинақталған.Ұлттық мұражайдың экспозициялық кешендерінде Астана, Тәуелсіз Қазақстан, Алтын, Ежелгі және ортағасыр тарихы, Этнография, Тарих, Заманауи өнер залдары бар.

Мұражай халықаралық стандарттарға сай жабдықтармен жарақтандырылған. Экспозициялар үшін заманауи көрме технологиялары: бірегей иілгіш экран, медиа-еден, қазіргі Астананың серпінді макеті, голограммалар, диодты жарығы бар LED-техника, сенсорлы дүңгіршектер, мультимедиялық жолсерік және т.б. қолданылады.

Бүгін, 3 шілдеде ҚР Ұлттық мұражайы мен Ресей этнографиялық музейі және «РОСИЗО» Мемлекеттік музей-көрме орталығы әріптестік туралы меморандумға қол қойылды. Ресей этнографиялық мұражайының 100 жылдық тарихы бар және Еуропадағы ірі этнографиялық мұражайлардың бірі болып табылады. Негізі қаланғаннан бері «РОСИЗО» қорынан Ресей музейлеріне бейнелеу өнерінің 500 000 мыңға жуық туындысы тапсырылды. Соңғы он жылда «РОСИЗО» Ресей мен шетелде 350-ден астам көрменің ұйымдастырылуына атсалысты.
Жеті залда ұсынылатын негізгі экспозициялардан бөлек көрмелер-де ашылды:

Қазақстан Республикасы қолөнершілерінің жәрмеңкесі. «ХІХ-ХХ ғасырлар тоғысындағы қазақтар» мұрағат суреттерінің көрмесі, Венгрия суретшісі Джудит Покс пен Ресей суретшісі Яна Волкованың киізден жасаған жұмыстарының фотокөрмесі, ҚР еңбек сіңірген өнер қайраткері Сәуле Бапанованың «Сейхун толқындары» атты киізден жасалған киімдерінің жиынтығының көрсетілімі (Қазақстан қолөнершілерінің одағы).

Баспасөз мәжілісі барысында шетелдік қонақтардың бірі, Джон Симпсон: «Лондондағы Британ мұражайының тәлімгері ретінде осындай іс-шараға қатысу, мен үшін зор құрмет және қуаныш. Мұражай — мәдениет белгісі, зерттеулер жасау мен білім алу үшін үлкен мүмкіндік берер, халықаралық ынтымақтастыққа үлкен үлес қосар орталық. Сіздердің мұражай келуге тұрарлық. Кеше ел Президентінің Ұлттық мұражайды ашқанына куәгер болдым. Мұражай құрылысының дизайны кісі таңқаларлықтай, өте маңызды заманауи ғимарат. Бұдан басқа, көне экспонаттарды мультимедиялық технологиялар арқылы көрсетудің жаңа тәсілдерін қолдану — заманауи жетістік болып табылады деп есептеймін» деді.

Сонымен қатар, мұражайға 17.30 -22.00 аралығында баруға болады. Келушілер үшін «Ұлы Жібек жолымен саяхат» атты мерекелік бағдарлама ұйымдастырылады, оның ішіне төмендегілер кіреді:

— Түркістан, Сауран, Испиджаб, Тараз, Сығанақ, Ақмешіт, Отырар, Суяб сияқты Жібек жолы өткен Қазақстандағы ортағасырлық қалаларға бөлінеді;
— Суретшілер мен қолөнер шеберлерінің шеберлік-сыныптары,
— сәндік-қолданбалы өнер жәрмеңкесі;
— суретшілердің аспан астында сурет салуы, ұлттық киім үлгісімен суретке түсу;
— балаларға арналған интерактивті ойын бағдарламасы, балаларға арналған интерактивті алаң, мұражай викторинасы.
— ұлттық ойындар, ұлттық тағамдар мен сусындардан дәм тату,
— домбырашылар кеші.
Портал тілшілері мұражайдың бірінші күні туралы қысқаша фоторепортаж дайындады. Мұражайдың әр залының тарихын сурет арқылы сипаттар «Мәдени серуен» алдағы уақытта біздің оқырмандар назарына ұсынылатын болады

c4a486d8060b24ce1bfb7fe63f0f8a5d.jpg

3915828a49c87a31a14d4d83af8e2f84.jpg

479ce5716fd299f27e10180565530f9e.jpg

be63eb48cd77e10c69cd70fb0aa1e05e.jpg

b7296493410caf9d6b4fbc378a64f81b.jpg

b5781eb594911cf71c1b6f65929b0c45.jpg

eb30b1e884f975e0b3fe8fe60407d676.jpg

758643bc13ec2bb80ab334972453a841.jpg

9301d3039a3d03d4006d552eead673d9.jpg

Ерте және орта ғасырлар тарихы залы

2303250e0f1f6b63daca5d2f29803144.jpg

89ba9cb7e7e23ff45a3f8d00c0cfad0c.jpg

Этнография залы

ҚР Ұлттық мұражайы есігі келушілер үшін елорда Күніне орайластырылған мерекелік күндері ашық болады.

Автор:
Сауалнамалар
Мектептердегі тарих пәнін оқыту деңгейін қалай бағалайсыз?