«Алда орасан зор жұмыстар күтіп тұрғанын жақсы білдім. Еліміз экономикалық өрлеу сатысына, ауқымды әлеуметтік өзгерістер кезеңіне аяқ басты. Енді жас тәуелсіз мемлекет бүкіл қазақстандықтардың күш-жігерін біріктіруі керек еді. Жай ғана бірігу емес, мақсат бірлігі, іс-қимыл бірлігі, ақыл-ой, тілек бірлігі керек еді. Ақиқатында солай болды да. Қазақстан халқының, бүкіл отандастарымыздың елдің өсіп-өркендеуіне белсенді атсалысуы 2000 жылдардағы жалпыұлттық бірлікті нығайтудың басты факторына айналды»
ТӘУЕЛСІЗДІКТІҢ ЖАҢА КЕЗЕҢІНДЕ ҚАЗАҚСТАНДЫҚТАРДЫ АУҚЫМДЫ ОРТАҚ ІС, ӘР АДАМНЫҢ ЕЛДЕГІ ЭКОНОМИКАЛЫҚ, ӘЛЕУМЕТТІК ЖӘНЕ САЯСИ ТАБЫСТАРҒА ТІКЕЛЕЙ ҚАТЫСТЫЛЫҒЫ, ҚАЗАҚСТАННЫҢ ДАМУЫНА ДЕГЕН МАҚТАНЫШ БІРІКТІРДІ
Әр үйдегі экономикалық өсім, игілік қазақстандықтардың жалпы еңбегінің нәтижесі болды. Сондай-ақ бәсекеге қабілетті елу елдің қатарына қосылу міндеті де жалпыұлттық бірігуді нығайтуды талап етті
«Бақытқа орай, Қазақстан елеулі қателіктерге жол берген жоқ. Біз тәуелсіздіктің бірінші күнінен бастап халықты біріктіруге және этносаралық келісімге мұқият назар аудардық. Бізге этностық және конфессиялық сипатына қарамастан, қазақстандықтардың нақты тең құқықтылығын заңмен бекітудің және қамтамасыз етудің сәті түсті. Осылайша «ұлтаралық келісімді бұзатын кез келген әрекет конституцияға қарсы деп есептеледі» деп көрсетілген конституциялық қағидаттың сөзсіз орындалуына қол жеткіздік»
ЕЛДЕГІ НЕГІЗГІ ЗАҢ РЕФОРМАСЫНАН СОҢ ҚАЗАҚСТАН ХАЛЫҚТАРЫ АССАМБЛЕЯСЫНЫҢ МӘРТЕБЕСІ КОНСТИТУЦИЯЛЫҚ ДЕҢГЕЙГЕ ДЕЙІН КӨТЕРІЛДІ.
2007 ЖЫЛДЫҢ 20 ТАМЫЗЫ ҚХА ҮШІН ЕРЕКШЕ КҮН БОЛДЫ.
Сол күні Ассамблея тұңғыш рет Парламент Мәжілісіне 9 депутатын сайлады. ҚХА-дан сайланған депутаттардың басынан бастап Ассамблеяның мүддесін елдегі барлық этностардың мүдделерінің жиынтығы ретінде қабылдауы маңызды болатын. Оның үстіне Сенаттағы алты президенттік квота да ҚХА-мен келіскеннен кейін тағайындалатын болды.
БҰРЫН ҚАЗАҚСТАН ХАЛЫҚТАРЫНЫҢ АССАМБЛЕЯСЫ ДЕП АТАЛАТЫН БІРЛЕСТІКТІҢ 2007 ЖЫЛДАН БАСТАП ҚАЗАҚСТАН ХАЛҚЫ АССАМБЛЕЯСЫ ДЕП АТАЛУЫ ҚАЗАҚСТАНДЫҚ ЭТНОСТАР БІРЛІГІНІҢ СИМВОЛДЫҚ КӨРСЕТКІШІ БОЛДЫ. БІРІГУ ЖҮЗЕГЕ АСТЫ.
«Мен шетелдік инвесторлардың, әсіресе жер қойнауын пайдаланушылардың жобаларында қазақстандық мазмұнды жан-жақты арттыра түсуге нұсқау бердім. Бастапқыда бұл нұсқауды серіктестеріміздің бәрі бірдей дұрыс қабылдай қойған жоқ, бірақ біз табанды, нық және сенімді әрекет еттік. 2008 жылдың желтоқсанында Шетелдік инвесторлар кеңесінің отырысында мен Үкімет үшін қазақстандық мазмұнның дамуы нөмірі бірінші мәселе болуы керек деп мәлімдедім. Нақты секторды дамыту жөніндегі жұмыс деген осы»
«Бастапқы кезде бізде үкіметтік емес ұйымдар түрлі халықаралық қорлармен клиенттік қатынас жасасып алды. Олар алып жатқан ресурстардың, шынында да, ұлттық мүддемізге бағытталып жатқанына үнемі кепіл бола алмайтын едік. Сондықтан біздің заңымызды бұзатын кез келген әрекеттің алдын алатынымызды мен анық та нақты ескерттім. Мемлекет азаматтық қоғам институттарын жасанды түрде көбейте алмайды, олардың дамуы үшін қолайлы жағдай ғана тудыра алады. Сондықтан біздің мақсатымыз – мемлекет пен ҮЕҰ арасында шынайы әріптестік үшін жағдай тудыру»
ЖАҢА САПАЛЫ ЖАЛПЫҰЛТТТЫҚ ДИАЛОГ АЛАҢДАРЫ ӨМІРГЕ КЕЛДІ. ДЕМОКРАТИЯЛЫҚ РЕФОРМАЛАРДЫҢ ЖАЛПЫҰЛТТЫҚ БАҒДАРЛАМАСЫ ОСЫ АЛАҢДАР ЖҰМЫСЫНЫҢ НЕГІЗГІ ҚОРЫТЫНДЫСЫ БОЛДЫ. ОСЫНЫҢ БАРЛЫҒЫ ДЕМОКРАТИЯЛЫҚ ӨЗГЕРІСТЕРГЕ ЖАҢА СЕРПІН БЕРДІ.
2003 ЖЫЛДЫҢ ҚАЗАН АЙЫНДА ӨТКЕН І АЗАМАТТЫҚ ФОРУМ МЕМЛЕКЕТ ПЕН ҮКІМЕТТІК ЕМЕС ҰЙЫМДАР АРАСЫНДАҒЫ ӘРІПТЕСТІК ҚАРЫМ-ҚАТЫНАСҚА СЕРПІН БЕРДІ
2005 ЖЫЛДЫҢ ҚЫРКҮЙЕК АЙЫНДА ІІ АЗАМАТТЫҚ ФОРУМДА ҮКІМЕТТІК ЕМЕС ҰЙЫМДАРДЫҢ АЗАМАТТЫҚ АЛЬЯНСЫ ҚҰРЫЛДЫ
2007, 2009 жылдары ІІІ және IV Азаматтық форумдар өткізілді. Мемлекеттік органдар басшыларының азаматтық қоғам алдындағы жария есебі тәжірибеге енгізілді. 2011 жылдың қазан айында өткен V Азаматтық форумда тәуелсіздіктің жиырма жылындағы «үшінші сектордың» дамуы туралы ұлттық баяндама қабылданды.
2001 ЖЫЛЫ МЕРЗІМДІК БАСЫЛЫМДАР ҚОСЫМША ҚҰН САЛЫҒЫНАН БОСАТЫЛДЫ, АЛ ТЕЛЕРАДИОКОМПАНИЯЛАРДЫҢ ӨЗ ӨНІМІНЕ САЛЫҚ НӨЛДІК МӨЛШЕРЛЕМЕМЕН САЛЫНДЫ
Десек те шетелдік өнімді ретрансляциялауға шек қойылды. Мұның бәрі отандық телевидениенің дамуына серпін берді, ақпарат нарығына оң әсер етті.
2000 ЖЫЛДАРЫ ҚАЗАҚСТАН ҚОҒАМЫНДА БАҚ РӨЛІ КҮРТ ӨСЕ ТҮСТІ.
СОНДЫҚТАН АҚПАРАТ КЕҢІСТІГІН ДАМЫТУДЫҢ ЖАҢА БАҒЫТЫ ЖӨНІНДЕГІ МӘСЕЛЕ САЯСИ РЕФОРМАЛАР БАҒДАРЛАМАЛАРЫНЫҢ БАСЫМ БАҒЫТТАРЫНЫҢ БІРІНЕ АЙНАЛДЫ
ҚОҒАМДЫҚ-САЯСИ ЖӘНЕ ЭКОНОМИКАЛЫҚ ҮДЕРІСТЕРДІҢ ФАКТОРЫ РЕТІНДЕ БАҚ РӨЛІНІҢ АРТУЫ МЕДИАТОПТАРДЫҢ ПАЙДА БОЛУЫНА ЖОЛ АШТЫ
«Мен қашанда бұқаралық ақпарат құралдарының рөлі арта түсуін, БАҚтың редакциялық саясатының тәуелсіз болуын кепілдендіруді жақтадым. Бұл принциптер 2007 жылғы Конституциялық реформаның бір міндеті ретінде көрсетілді. Сөйте тұра, мен баспасөздің қоғам алдында өз жауапкершілігін сезініп, тек құқықтық негізде әрекет етуге тиіс екеніне сенімдімін»
САЯСИ ТҰРАҚТЫЛЫҚ ПЕН ЭКОНОМИКАЛЫҚ ӨСІМ ХАЛЫҚТЫҢ ӘЛ-АУҚАТЫНЫҢ ЖАҚСАРУЫНА ЖОЛ АШТЫ
1990 ЖЫЛДАРДАҒЫДАЙ, ТЕК КҮНДЕЛІКТІ НАН ТАУЫП ЖЕУГЕ МҰҚТАЖДЫҚ БІРТЕ-БІРТЕ АЗАЯ БЕРДІ
Жүз мыңдаған қазақстандық азамат өздерінің тұрғын жайын жақсартып, тұрмысын түзеуге, киім-кешегін жаңалауға, автомобиль сатып алуға мүмкіндік алды, жиған-тергенін банкте жинап, шетелдерде демала бастады. Жеке адамдардың жалпы сомасы 1 миллиард долларға тең депозиті әл-ауқаттың артқанын күмәнсіз айшықтады. Елдегі орта таптың өсіп, қанат жайып келе жатқаны айқын еді.
ҚАЗАҚСТАН ХАЛҚЫНЫҢ ҚОҒАМДЫҚ КЕЛІСІМІ МЕН БІРЛІГІ ӘЛЕУМЕТТІК КӨҢІЛ КҮЙДІҢ ЖАҚСАРУЫНДА МАҢЫЗДЫ РӨЛ АТҚАРДЫ
АДАМДАРДЫҢ САНАСЫНДА ҚАЗАҚСТАН ХАЛҚЫНЫҢ ҚҰРАМЫНА КІРЕТІН ЭТНОСТАРДЫ СЫРТҚЫ «ДИАСПОРАЛАР» ДЕП САНАЙТЫН БҰРЫНҒЫ ТАНЫМ-ТҮСІНІК ӨЗГЕРЕ БАСТАДЫ
Қазақстандағы өмірдің едәуір жақсарғанын демографиялық және миграциялық үдерістер де айқындады. Әл-ауқаттың артуы және денсаулық сақтау саласындағы оң өзгерістер бала туу мен тұрғындар санының артуына да тікелей әсер етті
ҚАЗАҚСТАННЫҢ КӨШІ-ҚОН МӘСЕЛЕСІНДЕ ТАРТЫМДЫ ЕЛГЕ АЙНАЛУЫ ӨТЕ МАҢЫЗДЫ. ХАЛЫҚТЫҢ КЕЛУІ КЕТУІНЕН АРТЫҚ БОЛА БАСТАДЫ. 2004 ЖЫЛЫ АЛҒАШ РЕТ КЕЛГЕН АДАМДАРДЫҢ САНЫ КЕТКЕНДЕР САНЫНАН АСЫП ТҮСТІ
«Біз отандастарымыздың оралуына бұрынғыдан да көп көңіл бөле бастадық. 2007 жылы Шымкент, Қарағанды, Ақтау қалаларында және Оңтүстік Қазақстан облысындағы Ақсукент ауылында Бейімдеу және кіріктіру орталықтары ашылды. Қандастарымыздың тез бейімделуін және ішкі көші-қонды реттеу үшін 2008 жылы Үкімет 2009–2011 жылдарға арналған «Нұрлы көш» бағдарламасын бекітті. 2012 жылға қарай Қазақстанға, тарихи Отанына 860 мыңнан астам қазақ қоныс аударды. Олардың басым бөлігі Өзбекстаннан, Моңғолиядан, Қытайдан және Түрікменстаннан келді»
2000 ЖЫЛДАРЫ ҚАЗАҚСТАНҒА ӘЛЕМДІК ІРІ КОНФЕССИЯЛАР БАСШЫЛАРЫ БІРНЕШЕ РЕТ КЕЛІП ҚАЙТТЫ. БҰЛ ОЛАРДЫҢ ҚАЗАҚСТАН ХАЛҚЫНА ҚҰРМЕТІН ЖӘНЕ БІЗДІҢ КОНФЕССИЯАРАЛЫҚ КЕЛІСІМ ҮЛГІМІЗДІҢ ТИІМДІЛІГІН МОЙЫНДАУЫН БІЛДІРСЕ КЕРЕК
2001 ЖЫЛДЫҢ 22–25 ҚЫРКҮЙЕГІНДЕ АСТАНАҒА РИМ КАТОЛИК ШІРКЕУІНІҢ БАСШЫСЫ, КАТОЛИК ӘЛЕМІНІҢ РУХАНИ КӨШБАСШЫСЫ – РИМ ПАПАСЫ ІІ ИОАНН ПАВЕЛДІҢ КЕЛУІ ЕЛ ӨМІРІНДЕГІ МАҢЫЗДЫ ОҚИҒА БОЛДЫ
«2010 жылдың басына қарай Қазақстанда 10 конфессия мен деноминация, 4,4 мың діни бірлестік жұмыс істеп тұрды. 3,3 мыңнан астам діни ғимарат – мешіттер, ғибадатханалар, костелдер, синагогалар және т.б ашылды. Елдегі конфессияаралық келісім, сондай-ақ Діни көшбасшылар съезін өткізуіміз жаһандық дінаралық диалогтың жоғары рухани маңызын халқымыздың жете түсінгенін құжат түрінде растады»
ХХІ ҒАСЫРДЫҢ БІРІНШІ ОНЖЫЛДЫҒЫНДА – 2003, 2006 ЖӘНЕ 2009 ЖЫЛДАРЫ АСТАНАДА ӘЛЕМДІК ЖӘНЕ ДӘСТҮРЛІ ДІНДЕР КӨШБАСШЫЛАРЫНЫҢ ҮШ СЪЕЗІ ӨТКІЗІЛДІ
Қазақстан орындалуы неғайбыл нәрсені жүзеге асырды – дөңгелек үстел басына әлемдік ірі конфессия өкілдерін бетпе-бет жинады.
«МЕН АСТАНАДАҒЫ СЪЕЗДЕР ДІНАРАЛЫҚ ҚАҚТЫҒЫСТАР ҚАУПІН АРТТА ҚАЛДЫРУ ЖӘНЕ ЖАҺАНДЫҚ РУХАНИ КЕЛІСІМДІ НЫҒАЙТУ ЖОЛЫНДАҒЫ БІЗДІҢ ШЫНАЙЫ ҮЛЕСІМІЗ БОЛҒАНЫНА СЕНІМДІМІН. ӨЗ ЖЕРІНДЕ ТҮРЛІ ДІНДЕРДІҢ БЕЙБІТ-ҚАТАР ӨМІР СҮРУІНЕ ЖӘНЕ ОЛАРДЫҢ ДИАЛОГЫНА ЖАҒДАЙ ТУҒЫЗҒАН ҚАЗАҚСТАН ОСЫ ФОРУМҒА ЕРЕКШЕ ЛАЙЫҚ АЛАҢ БОЛА БІЛДІ. БІЗ ҚАЗАҚСТАНДАҒЫ БАРЛЫҚ КОНФЕССИЯҒА ҚАЖЕТТІ НАЗАР АУДАРДЫҚ. ӨЙТКЕНІ ІШКІ КОНФЕССИЯАРАЛЫҚ КЕЛІСІМ – ЖАЛПЫҰЛТТЫҚ КЕЛІСІМНІҢ БІР ТІРЕГІ ЕКЕНІНЕ СЕНІМІМ ЗОР»
НҰРСҰЛТАН НАЗАРБАЕВ
2003 ЖЫЛЫ АЛМАТЫДА ҚАЗАҚСТАНДАҒЫ БІРІНШІ ИСЛАМ ЖОҒАРЫ ОҚУ ОРНЫ – «НҰР» ҚАЗАҚ-ЕГИПЕТ ИСЛАМ УНИВЕРСИТЕТІНІҢ АШЫЛУЫ АЙРЫҚША ОҚИҒА БОЛДЫ.
ЖЫЛ ӨТКЕН САЙЫН ҚАЖЫЛЫҚҚА – БАРЛЫҚ МҰСЫЛМАН ҮШІН ҚАСИЕТТІ МЕККЕ, МЕДИНА ҚАЛАЛАРЫНА ЗИЯРАТ ЕТУГЕ ҚАЗАҚСТАНДЫҚ МҰСЫЛМАНДАР АРАСЫНАН АТТАНУШЫЛАР САНЫ ДА КӨБЕЙДІ. ЕЛ АУМАҒЫНДА ЖАҢА МЕШІТТЕР МЕН ҒИБАДАТХАНАЛАР САЛЫНДЫ
ҚАЗАҚСТАНДЫҚТАРДЫҢ БАСЫМ КӨПШІЛІГІ ҰСТАНАТЫН ЕКІ ІРІ ДІНГЕ – ИСЛАМ МЕН ХРИСТИАНДЫҚҚА ҚҰРМЕТ РЕТІНДЕ 2005 ЖЫЛЫ МҰСЫЛМАНДАРДЫҢ ҚҰРБАН АЙТ МЕЙРАМЫ ЖӘНЕ ПРАВОСЛАВТАРДЫҢ РОЖДЕСТВО МЕРЕКЕСІН МЕРЕКЕЛІК ДЕМАЛЫС КҮНДЕРІ ДЕП ЖАРИЯЛАНДЫ
«Әуелі ЕҚЫҰ-ға, содан кейін 2011 жылы Ислам ынтымақтастығы ұйымына төрағалық етіп, Қазақстан өзінің мұсылман әлемі мен Батыс елдері арасындағы бірегей араағайындық міндетін қазірдің өзінде жалғастырып жатыр. «Батыс – мұсылман әлемі» желісі бойындағы халықаралық шиеленістің өршуі жағдайында қордаланған мәселелер мен қайшылықтарды шешуде таптырмас араағайындыққа жүре алатын бірегей мемлекет тек Қазақстан ғана болып келеді. Біздің ЕҚЫҰ төрағалығынан кейін бір жыл өтпей Ислам ынтымақтастығы ұйымына төрағалық етуіміз – Қазақстанның осы геосаяси рөлін түсінудің нақты дәлелі»