ҚАЗАҚСТАНДЫҚ БІЛІМ БЕРУ ЖҮЙЕСІ ҮШІН – 2010-ШЫ ЖЫЛДАРДЫҢ ОРТА ТҰСЫ ЖАҢҒЫРТУДЫҢ ЖАҢА КЕЗЕҢІНЕ АЙНАЛДЫ
Отандық білім беру – ең үздік халықаралық үлгілерге, соның ішінде ақпараттық технологиялар мен электронды оқытуды дамытуға бағытталған
Бейімдік мектептер құрылысы жалғасуда
Жоғары оқу орындарына шетелдік ғалымдар тартылып, магистратура мен докторантураға мемлекеттік тапсырыс мөлшері ұлғаюда
МЕМЛЕКЕТТІК-ӘЛЕУМЕТТІК САЯСАТТАҒЫ БАСЫМДЫҚ – АДАМ КАПИТАЛЫНЫҢ ДАМУЫ ЕКЕНІНІҢ ДӘЛЕЛІ РЕТІНДЕГІ, ЕРЕКШЕ ФОРМАТТАҒЫ ОҚУ ОРЫНДАРЫ – НАЗАРБАЕВ ЗИЯТКЕРЛІК МЕКТЕПТЕРІ АШЫЛДЫ, СӨЙТІП МЕКТЕПТЕ БІЛІМ БЕРУ ІСІ ТЕЗ АРАДА ӘЛЕМДІК СТАНДАРТТАР ДЕҢГЕЙІНЕ ДЕРЕУ КӨТЕРІЛДІ
«Отандық білім беруді жаңғыртуда «2015–2020 жылдарға арналған үш тілде білім берудің Жол картасы және бірнеше тілге кезең-кезеңмен көшу ерекше мәнге ие болды. Назарбаев зияткерлік мектебінің үлгісі үш тілде білім беруді енгізудің тәжірибелік негізі болды. Солай бола тұра, мен үш тілде білім беруге көшу мерзімі мен оқу жылын ұзарту мүмкіндігі туралы қоғамдық пікірді мұқият зерттеуді тапсырдым. Бүкіл қазақстандықтарды толғандыратын бұл мәселелерді өте мұқият ойластыру қажет еді»
2010-ШЫ ЖЫЛДАРДЫҢ БАС КЕЗІНДЕ-АҚ РЕСПУБЛИКАҒА ҮШ МЫҢНАН АСТАМ ШЕТЕЛДІК ЖЕТЕКШІ ҒАЛЫМДАР ШАҚЫРЫЛДЫ, ОЛАР ДӘРІС ОҚЫП, ҒЫЛЫМИ КЕҢЕС БЕРУМЕН ШҰҒЫЛДАНДЫ. ШЕТ ЖЕРДЕ, ӘЛЕМНІҢ ҚЫРЫҚ ЕЛІНДЕГІ ЖОҒАРЫ ОҚУ ОРЫНДАРЫНДА ОҚИТЫН ҚАЗАҚСТАНДЫҚТАРДЫҢ САНЫ ЕКІ ЕСЕ ӨСТІ
2017 жылы басталған қоғамдық сананың жаңғыруы бағдарламасы қазақстандық білім беру жүйесіне ерекше мол мүмкіндіктер туғызып отыр.
«2013 жылдың шілде айында, Индустриаландыру күнінде өткізілген жалпыұлттық телекөпірде мен бірінші бесжылдық кезінде анықталған, ұдайы туындайтын өндірістік-технологиялық міндеттерді шешу үшін инженерлер мен зерттеушілерді дайындау қажеттілігіне назар аударттым. Индустриаландыруға қажетті мамандарды дайындауда алдыңғы жылдары жіберілген кемшіліктерді болдырмау үшін күш салу қажет болды. Индустриаланудың келесі кезеңіне қажетті инженер мамандарды дайындайтын негізгі жоғары оқу орындары айқындалды. Қазақстанның жоғары оқу орындары мен колледждерінің жиырмадан астамында жаңа бағдарлама бойынша оқыту басталды. Бейімдік магистратура бойынша мемлекеттік тапсырыс көлемі ұлғайды»
ЖЕТЕКШІ КОЛЛЕДЖДЕР БАЗАСЫНДА КӘСІБИ МАМАНДАРДЫ ДАЙЫНДАУДЫҢ РЕСУРСТЫҚ ОРТАЛЫҚТАРЫ ҚҰРЫЛУДА
КОЛЛЕДЖДЕР САНЫН ҮШТЕН БІР ЕСЕГЕ АРТТЫРУ КӨЗДЕЛГЕН «БІЛІМ БЕРУДІҢ ДУАЛЬДЫ ЖҮЙЕСІНІҢ ЖОЛ КАРТАСЫ» БЕКІТІЛДІ
2010-шы жылдардың алғашқы жартысында Назарбаев Университеті (Nazarbayev University) жаңа ғылыми-ағартушылық жүйенің көшбасшысына айналды, халықаралық стандарттар бойынша мамандар даярлайтын тұңғыш қазақ университеті болды, автономдық және академиялық еркіндік принципінде жұмыс істеді
Оның оқу-ағартушылық мектептерінде және ғылыми орталықтарында бір жарым мың студент жаңаша білім алды. Университет озық әлем университеттері рейтингіне енетін дүниежүзілік ғылыми-ағартушылық корпорацияларымен тығыз қарым-қатынас орнатты
«ҚХА-ның ХХ сессиясында мен: «Бүгін біз Ассамблеяны – тұтастай Қазақстан халқы деп толық негізбен айта аламыз. Барлық он жеті миллионы!» – деп бұл ұйымның жұмысына жоғары баға бердім. 2015 жылғы XXII сессияда 1 наурыз күнін – Ассамблеяның туған күні – жаңа мереке, Алғыс айту күні деп белгілеуді ұсындым. Бұл күн – мейірімділіктің, бүкіл қазақстандықтардың бір-біріне деген достығы мен махаббатының жарқын мерекесі болды. Алғыс айту күні алғаш рет 2016 жылы аталып өтті»
2015 ЖЫЛЫ ТҰҢҒЫШ ПРЕЗИДЕНТ ҒЫЛЫМ МЕН ТЕХНИКА САЛАСЫНДАҒЫ ӘЛ-ФАРАБИ АТЫНДАҒЫ МЕМЛЕКЕТТІК СЫЙЛЫҚТЫ БЕЛГІЛЕДІ
ҚАЗАҚСТАНДА 2010-ШЫ ЖЫЛДАРДЫҢ ОРТА ТҰСЫНДА 25 МЫҢ ҒЫЛЫМИ ҚЫЗМЕТКЕРДІҢ БАСЫН БІРІКТІРГЕН 400 ҒЫЛЫМИ ҰЙЫМ-МЕКЕМЕЛЕР ЖҰМЫС ІСТЕП ТҰРДЫ
ҒАЛЫМДАРДЫҢ ЖАҢА БУЫНЫ PHD ДОКТОР БАҒДАРЛАМАСЫ БОЙЫНША ДАЙЫНДАЛДЫ
Қазақстан ғалымдары үшін Мемлекеттік сыйлықтар, Білім және ғылым министрлігінің сыйлықтары, сондай-ақ әртүрлі стипендиялар тағайындалуы да жемісті жұмыстарға ынталандырғаны анық
«Ғылымның тәжірибелік нәтижелері экономиканың болашақтағы сұраныстарына жауап беріп жатуы, ал ең бастысы – индустриаландырудың өзекті мәселелерін шешуге көмектесуі аса маңызды екенін әлденеше рет атап өткенмін. 2015 жылғы мамыр айындағы Үкімет отырысында мен инновацияны өндіріске енгізуге ерекше назар аудару қажет екенін айтып, Ғылыми қызметті коммерцияландыру туралы заң жобасын дайындауға тапсырма бердім. 2015 жылғы қарашада қабылданған бұл заң – ғылым мен бизнестің арасындағы өзара қарым-қатынас тетігін қалыптастырды»
«Тіл саясаты, бұрынғыдай, 2010-шы жылдары да мемлекеттік тілді дамытуға және қазақстандықтардың лингвистикалық капиталын байытуға бағытталды. «Қазақстан-2050» стратегиясында мен қазақ халқына, біздің тіліміз бен мәдениетімізге қатысты тарихи әділеттіліктің қалпына келтірілгенін атап айттым. 2011 жылғы қаңтар айындағы Жолдауымда қазақстандықтардың мемлекеттік тілді ықыласпен үйреніп жатқандарын атап өттім. Мемлекеттік тілді білетін тұрғындардың саны алғашқы онжылдықтың басында 67 процентке дейін жетсе, ал 2016 жылы 80 проценттен асты. Қазақ тілі жыл өткен сайын қазақстандықтардың басым бөлігінің туған тіліне айналып келеді»
ЕЛБАСЫ 2011 ЖЫЛҒЫ ҚАҢТАР АЙЫНДАҒЫ ЖОЛДАУЫНДА ҚАЗАҚСТАНДЫҚТАРДЫҢ МЕМЛЕКЕТТІК ТІЛДІ ЫҚЫЛАСПЕН ҮЙРЕНІП ЖАТҚАНДЫҒЫН АТАП ӨТТІ
МЕМЛЕКЕТТІК ТІЛДІ БІЛЕТІН ТҰРҒЫНДАРДЫҢ САНЫ АЛҒАШҚЫ ОНЖЫЛДЫҚТЫҢ БАСЫНДА 67 ПРОЦЕНТКЕ ДЕЙІН ЖЕТСЕ, АЛ 2016 ЖЫЛЫ 80 ПРОЦЕНТТЕН АСТЫ
ҚАЗАҚ ТІЛІ ЖЫЛ ӨТКЕН САЙЫН ҚАЗАҚСТАНДЫҚТАРДЫҢ БАСЫМ БӨЛІГІНІҢ ТУҒАН ТІЛІНЕ АЙНАЛЫП КЕЛЕДІ
«2011 жылғы қаңтар айындағы Жолдауда 2020 жылға қарай мемлекеттік тілді меңгерген қазақстандықтардың үлесін 95 процентке жеткізу, ағылшын тілін білетіндердің санын 20 процентке дейін апару көзделді. Мен қазақстандықтар үшін үш тілді меңгеру – міндетті шарт екенін әрдайым айтып жүрмін.Үш тілді оқып-үйренуге байланысты жұмыста, сөз жоқ, мемлекеттік тіл бірінші орында болып келді және алдағы уақытта да солай болады. 2015 жылы Қазақстан халқы Ассамблеясының XXII сессиясында нақты атап айтқанымдай, кез келген ұлт-мемлекет – бұл бәрінен де бұрын бірегей мемлекеттік тіл»
2015 ЖЫЛЫ ҮШ ТІЛДЕ БІЛІМ БЕРУДІҢ 2020 ЖЫЛҒА ДЕЙІНГІ «ЖОЛ КАРТАСЫ» ЖАСАЛДЫ, ОНЫ ОРТА ЖӘНЕ ЖОҒАРЫ МЕКТЕПТЕРДЕ БІРТЕ-БІРТЕ ЕНГІЗУДІҢ КЕЗЕҢДЕРІ БЕЛГІЛЕНДІ
ҚАЗАҚСТАНДА 2010-ШЫ ЖЫЛДАРЫ МӘДЕНИЕТТІҢ ГҮЛДЕНУІ ОДАН ӘРІ ЖАЛҒАСТЫ. ОЛ ТОЛЫҚҚАНДЫ, САН ҚЫРЛЫ, ЖАН-ЖАҚТЫ, ЖАРҚЫН ТҮРДЕ ДАМЫДЫ
«Қазақстан мәдениетінің тұғырлы іргетасы – қазақ мәдениетінің салт-дәстүрлерін дамытуға үнемі көңіл бөлінуі – мемлекеттің ерекше қамқорлығы. Бізде қазақ өнері мен салтдәстүрі дамытылуда, сонымен бірге барлық этностардың мәдени мұраларына да көңіл бөлініп отыр. Біз әлемдік өнерге, әдебиетке және спортқа отандастарымыздың, әртүрлі этностық ерекшеліктеріне қарамастан, қосып жатқан үлестері ұлғайып келе жатқанын бүкіл ел болып мақтан тұтамыз»
Мемлекет бұрынғысынша мәдениет саласына барынша жомарттықпен қамқорлық көрсетіп, қолдау жасап отырды: 2012-ші жылға қарай, бес жыл ішінде, мәдениетке жұмсалған қаржы үш еседен аса өсті. 2014 жылғы қараша айында отандық мәдениеттің беделін көтеруге және саланы сапалы жаңғыртуға бағытталған Мәдениет саясатының жаңа тұжырымдамасы бекітілді.
ҰЛТТЫҚ МӘДЕНИ ӨМІРДЕГІ ЕЛЕУЛІ ОҚИҒАЛАРДЫҢ БІРІ - 2013 ЖЫЛЫ МАУСЫМ АЙЫНДА БІРЕГЕЙ «АСТАНА ОПЕРА» ТЕАТРЫНЫҢ АШЫЛУЫ
2014 ЖЫЛЫ МАУСЫМДА ҚАЗАҚСТАН ҰЛТТЫҚ МУЗЕЙІ АШЫЛЫП, ХАЛЫҚҚА ҚЫЗМЕТ КӨРСЕТЕ БАСТАДЫ. ЕКЕУІ ДЕ СӘУЛЕТ ӨНЕРІНІҢ ЖАУҺАРЛАРЫ ӘРІ КЕҢ АУҚЫМДЫ МӘДЕНИ ЖОБАЛАР
«Қазақ мәдениетінің тамыры терең негіздерін, Қазақстан мәдениетінің тұғырлы іргетасы – қазақ мәдениетінің салт-дәстүрлерін дамытуға үнемі көңіл бөлінуі – мемлекеттің ерекше қамқорлығы. Бізде қазақ өнері мен салтдәстүрі дамытылуда, сонымен бірге барлық этностардың мәдени мұраларына да көңіл бөлініп отыр. Біз әлемдік өнерге, әдебиетке және спортқа отандастарымыздың, әртүрлі этностық ерекшеліктеріне қарамастан, қосып жатқан үлестері ұлғайып келе жатқанын бүкіл ел болып мақтан тұтамыз»
Жаңа Астананың мәдени өмірі жыл өткен сайын қызықты да мазмұнды бола түсті. 2016 жылдың елеулі мәдени оқиғасы, мәдени брендтің жаңғыруы ретінде Астанаға Алматыдан «Қазақконцерттің» көшіп келуін айтсақ та болады. Бұл – «Астана Мюзикл» («Қазақстан» Орталық концерт залы) жаңа театрының шымылдық ашуы арқылы қала тұрғындары мен қонақтарын тағы да қуанышқа бөледі.
Сондай-ақ 2016 жылы Астанада Қазақ ұлттық хореография академиясы және оның сахналық алаңы – «Астана балет» театры ашылды
Әлемде Қазақстан туралы ақпаратқа деген сұраныс өсе түсті, ұлғая берді, соның нәтижесінде 2016 жылы «Ұлы Дала Елі» атты Қазақстан туралы үш тілдегі сандық энциклопедия түріндегі мобильді қосымшаның тұсауы кесілді. 2017 жылы «Заманауи қазақстандық мәдениет жаһандану әлемінде» жобасы («Рухани жаңғыру» бағдарламасы) алдыңғы қатарға шықты, осы арқылы отандық мәдениеттің озық тәжірибесі, жаңа жетістіктері негізгі үш тілде лайықты насихатталатын болды.
ҚАЗАҚСТАНДА 2010-ШЫ ЖЫЛДАРЫ ШЫҚҚАН КИНОТУЫНДЫЛАР ҰЛТТЫҚ КИНЕМАТОГРАФТЫҢ ӨРКЕНДЕУ ДӘУІРІ БАСТАЛҒАНЫН КӨРСЕТТІ
Отандық патриотизмнің нығаюы үшін маңызы ерекше фильмдер қатарында тарихи және заманауи тұлғаларды сомдауды мақсат еткен туындыларды айту ләзім
ОПЕРА ӨНЕРІ БИІКТЕРДЕН КӨРІНДІ
КӨПШІЛІККЕ ТАНЫМАЛ МУЗЫКА ӨНДІРІСІ ДЕ ҚАРҚЫНДЫ ДАМЫДЫ. ТЕҢДЕССІЗ ЖҰЛДЫЗДАРМЕН ҚАТАР ЖАҢА ЕСІМДЕР ДЕ ШЫҒА БАСТАДЫ.
СПОРТ САЛАСЫНДАҒЫ БАСЫМ САЯСАТ – БҰҚАРАЛЫҚ СПОРТТЫҢ ДАМУЫНА ЖАҒДАЙ ЖАСАУ
2010 ЖЫЛДАРЫ
ҚАЗАҚСТАНДА ЖИЫРМАДАН АСТАМ ҰЛТТЫҚ СПОРТ ТҮРЛЕРІ ЖАНДАНЫП, БҰҒАН ЕКІ ЖҮЗ ЕЛУ МЫҢДАЙ АДАМ ҚАТЫСТЫ
2011 ЖЫЛЫ
«ЕЛ ҚАЙРАТЫ» РЕСПУБЛИКАЛЫҚ, АУЫЛДЫҚ ДЕНЕ ШЫНЫҚТЫРУ-СПОРТ ҚОҒАМЫ ҚҰРЫЛДЫ
2011 ЖЫЛДАН БАСТАУ АЛЫП, ЖЫЛ САЙЫН ӨТКІЗІЛЕТІН «ҚАЗАҚСТАН БАРЫСЫ» ҰЛТТЫҚ ҚАЗАҚ КҮРЕСІНІҢ РЕСПУБЛИКАЛЫҚ ТУРНИРІНЕ ҚАЗАҚСТАНДЫҚТАР ЕРЕКШЕ ҚҰРМЕТПЕН ҚАРАДЫ
Көркем безендірілген алаңдағы алып балуандар айқасы бірден көрермендердің қатты қызығушылығын тудырды. Қазақ күресі халықаралық аренаға шығып, «Еуразия Барысы» және «Әлем Барысы» халықаралық турнирлері өткізілді. Бұл спорт түріне – қазақ күресінің жарысына отыз елдің балуандары қатысты.
Ұлттық спорт түрлерінен, Жазғы және Қысқы ауыл ойындарынан, Халық спорты ойындарынан Қазақстан чемпионаттары ұдайы өткізіліп тұрады. Ұлттық спорт түрлерінің өкілдері Көшпенділердің бүкіләлемдік ойындарына қатысты.
2017 жылы Астанада көкпардан Әлем чемпионаты өтіп, біздің шабандоздар жеңімпаз атанды
2010-шы жылдардың ортасында елде 35 мыңнан астам спорттық нысан, 400 балалар мен жасөспірімдер спорт мектебі, мектеп-интернаттары, сондай-ақ 700 балалар мен жасөспірімдер клубы жұмыс істеп тұрды.
Оқушылардың 40 процентке жуығы спорттық секцияларға қатысты. Бокс, футбол, күрес, дзюдо, ауыр және жеңіл атлетика, шаңғы сияқты спорт түрлері кеңінен таралды.
2014 жылы өңірлерде 18 дене шынықтыру және сауықтыру кешенінің құрылысы басталды.
Елде саламатты ұлт, аурудың алдын алу және жағымсыз әлеуметтік құбылыстардың негізі – бұқаралық спорттың дамуына барлық жағдай жасалған
БҰҚАРАЛЫҚ СПОРТ ПЕН ЖОҒАРЫ ЖЕТІСТІКТЕР СПОРТЫНЫҢ ОҢТАЙЛЫ ТЕҢГЕРІМІ ҚАЗАҚСТАН СПОРТЫНЫҢ ПОЗИТИВТІ ЕРЕКШЕЛІГІНЕ АЙНАЛДЫ
ҚАЗАҚСТАНДЫҚТАР ҮШІН ҚАШАНДА ОЛИМПИЯЛЫҚ ОЙЫНДАРДЫҢ МАҢЫЗЫ АСА ЗОР
2012 ЖЫЛДЫҢ ШІЛДЕ-ТАМЫЗ АЙЛАРЫНДА ЛОНДОНДА XXX ЖАЗҒЫ ОЛИМПИАДА ӨТТІ
ҚАЗАҚСТАН ҚҰРАМАСЫ ЖАЛПЫ КОМАНДАЛЫҚ ЕСЕП БОЙЫНША 205 ЕЛДІҢ АРАСЫНДА 12-ШІ ЖОҒАРЫ ОРЫННАН КӨРІНДІ
Рио-де-Жанейрода өткен 2016 жылғы Олимпиада Қазақстан үшін аса табысты болды. 17 алтын, күміс, қола медальдар Қазақстанға командалық есеп бойынша 22-орынға қол жеткізуге мүмкіндік берді.
2014 ЖЫЛҒЫ XVII ЖАЗҒЫ АЗИЯ ОЙЫНДАРЫНДА (ИНЧХОН ҚАЛАСЫ, КОРЕЯ) ҚАЗАҚСТАН ЖОҒАРЫ КӨРСЕТКІШТЕРГЕ ҚОЛ ЖЕТКІЗІП, БИІК ТАБЫСТАРҒА ҚОЛ ЖЕТКІЗДІ. ҚҰРЛЫҚТЫҚ САЙЫСТАРДА КОМАНДАЛЫҚ ЕСЕП БОЙЫНША ТӨРТІНШІ ОРЫНДЫ ИЕЛЕНІП, 84 МЕДАЛЬДЫ ЖЕҢІП АЛДЫ
ТАҒЫ БІР ЖАРҚЫН СПОРТ МЕРЕКЕСІ – VIII ҚЫСҚЫ АЗИЯ ОЙЫНДАРЫ 2017 ЖЫЛДЫҢ АҚПАН АЙЫНДА ЖАПОНИЯДАҒЫ САППОРО ҚАЛАСЫНДА ӨТТІ. БҰЛ ЖОЛЫ ҚАЗАҚСТАН 9 АЛТЫН, 11 КҮМІС, 12 ҚОЛА ЖҮЛДЕГЕ ИЕ БОЛЫП, ТӨРТІНШІ ОРЫННАН КӨРІНДІ
ҚЫСҚЫ УНИВЕРСИАДА СПОРТ ӘЛЕМІНДЕГІ АЙТУЛЫ ОҚИҒАЛАРДЫҢ БІРІ БОЛДЫ
АЛМАТЫ ҚАЛАСЫНДА 2017 ЖЫЛДЫҢ 29 ҚАҢТАРЫ МЕН 8 АҚПАНЫ АРАЛЫҒЫНДА ӨТКЕН УНИВЕРСИАДАҒА 57 ЕЛДЕН 2 МЫҢНАН АСТАМ СПОРТШЫ ҚАТЫСТЫ.
Қазақстанның жас спортшылары туған елдің төрінде тамаша өнер көрсетіп, командалық есеп бойынша екінші жүлделі орыннан көрінді.
Халықаралық аренадағы қазақстандық спорттың мәртебесі біртіндеп өсе бастады: тек 2015 жылдың өзінде ғана жалпы алғанда жеті жүздей медаль жеңіп алынды. Қазақстандық спорттың табыстары спортшылардың ынтымағын, ерік күштерін паш етті, патриоттық рухын аспандатты.
Қазақстандықтар кәсіби спортта да жарқын жетістіктерге жетті. А. Винокуров, А. Луценко, Ф. Ару, В. Нибали өнер көрсеткен «Astana Pro Team» әлемдегі ең табысты велокомандасы атанды. Веложарысқа қатысушы командалар жеке сында да, «Тур де Франс», «Вуэльта», «Джиро д`Италия», «Париж-Ницца» командалық жарысында да бақ сынасты.
2013-2015 ЖӘНЕ 2017 ЖЫЛДАРЫ «ASTANA АRLANS» КӘСІБИ СПОРТ КЛУБЫ «ДҮНИЕЖҮЗІЛІК БОКС СЕРИЯСЫ» КУБОГЫН ЖЕҢІП АЛЫП, WSB ТАРИХЫНДА ЕҢ ТИТУЛДЫ КОМАНДА АТАНДЫ
ФУТБОЛ ЖАНКҮЙЕРЛЕРІ ҮШІН АСА МАҢЫЗДЫ ОҚИҒА БОЛДЫ: АЛҒАШ РЕТ ОТАНДЫҚ ФУТБОЛ ТАРИХЫНДА – 2013 ЖЫЛЫ ЕУРОПА КЛУБТЫҚ ТУРНИРІНІҢ ТОПТЫҚ КЕЗЕҢІНЕ – ЕУРОПА ЛИГАСЫНА ҚАРАҒАНДЫЛЫҚ «ШАХТЕР» ФУТБОЛ КОМАНДАСЫ ЕНДІ
2015 ЖЫЛЫ ЕЛОРДАЛЫҚ «АСТАНА» ФУТБОЛ КЛУБЫ ЕҢ БЕДЕЛДІ ХАЛЫҚАРАЛЫҚ КЛУБ ТУРНИРІНІҢ – ЧЕМПИОНДАР ЛИГАСЫНЫҢ ТОПТЫҚ КЕЗЕҢІНЕ ӨТТІ
«Біздің спортшыларымыздың жеңісі – Қазақстан халықтарының мерейі. Қазақстан спорт саласы бойынша көптеген этнос өкілдерін әлемге танытты. Олимпиялық құрама команда халықтың нағыз спорттық Ассамблеясына айналды. Спорттағы жетістіктер, бұқаралық жарыстар елді жақындастыра түседі, бірлік пен өзара түсіністікке қызмет етеді. Тәуелсіздік жылдарында Қазақстан Республикасы әлемдік спортта лайықты орын алды. Егер әрбір қазақстандық біздің олимпиадашылар тәрізді тек алға ұмтылса, онда Қазақстан сөзсіз алдыңғы қатарлы елге айналады»
Қазақстандық спортшылардың жетістіктері елдің толымды табыстарымен астасып жатты. Олар өздерінің жарқын жеңістерімен Отанымызды даңққа бөледі, Қазақстан Республикасының халықаралық беделін көтеруге лайықты үлес қосты.