«Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек»
Н. Ә. Назарбаев

Аса көрнекті ақын Жұмекен Сабырұлы Нәжімеденовтың туған күні

Аса көрнекті ақын Жұмекен Сабырұлы Нәжімеденовтың туған күні
Оның өлеңдерінің басым көпшілігі нақты сюжет бойынша жазылды. Ол көптеген поэмалар мен романдар жазды. Қазақстан Республикасы Мемлекеттік Әнұраны авторларының бірі

 

Жұмекен Сабырұлы Нәжімеденов (1935-1983) – қазақтың аса талантты ақыны, ҚР Мемлекеттік сыйлығының лауреаты (2006). 

1956-59 жылдары Қазақтың мемлекеттік консерваториясының халық аспаптар факультетінде оқыған.

1959-74 ж.«Жазушы» баспасының редакторы, «Лениншіл жас» газетінде бөлім меңгеруші, Қазақстан Жазушылар одағында әдеби кеңесші. 1974-78 жылдары ҚазССР Баспа, полиграфия және кітап саудасы істері жөніндегі мемлекеттік комитеттің редакторы, 1978-83 жылдары «Мектеп» баспасында бөлім меңгеруші болып қызмет атқарған. 

Жұмекен Нәжімеденовтің алғашқы «Егіс» лирикалық жинағы 1961 жылы жарық көрді. Төрт жылдан кейін «Жоқ, ұмытуға болмайды» атты поэмалар жинағы шықты. Ж.Нәжімеденовтің тірі кезінде барлығы он өлеңдер жинағы мен «Ақ шағылдар» (1973 ж.), «Кішкентай» (1975 ж.), «Атақ пен дақпырт» (1978 ж.) атты үш романы басылды.

Ақын өлімінен кейін жарық көрген он жинағына тірі кезінде жарияланбаған өлеңдері, поэмалары, повестері мен романдары, мақалалары мен аудармалары және тоғыз күй енді. Оның шығармалары көптеген тілдерге аударылып, басылды. Ақын А. Вознесенскийдің, Е. Евтушенконың, Н. Хикмет пен Ә. Файзи шығармаларын аударған.

 

Қазақша Русский English