«Бүгінгі күнді түсініп-түйсіну үшін де, болашақтың дидарын көзге елестету үшін де кешегі кезеңге көз жіберуіміз керек»
Н. Ә. Назарбаев
Бас редакторға сұрақ +7 707 686 75 81
Қазақша Русский English

Сәрке Өмірқұлұлы

Сәрке Өмірқұлұлы
  • Аты
  • Сәрке Өмірқұлұлы
  • Қызмет саласы
  • Батырлар
  • Туған күні
  • 1680
  • Қайтыс болған күні
  • 1724
16 жасында Ырғыз өңірінде қалмақтармен шайқасқа шыққан батыр. Әрі палуан болған. Құба қалмақ, башқұрттармен болған ұрыстарда ерлік көрсетіп, есімі табын руының ұранына айналады.

Оның қарындасы Қарқарадан Кіші жүз қазақтарының ұлт-азаттық қозғалысы басшыларының бірі атанған Барақ Сатыбалдыұлы есімді батыр туған.

Сәрке Өмірұлұлы 1724 ж. 42 жасында қалмақтармен болған ұрыста қазіргі Жезқазған облысының Жезді ауданына қарасты Сартөбе деген жерде қайтыс болған. Келесі жылы Сәрке батырдың ұрпақтары оның сүйегін Қызылорда өңіріндегі Қорқыт Ата кесенесінің қасына әкеліп, қайта жерлеген. Бүгінде құлпы тасы жақсы сақталған.

Сәрке қайтыс болған жер «Сәркенің төбесі», «Сәркенің ақшиі» аталып кеткен. Әрі жергілікті халық батырға арнап белгі соғады. Осы күнге дейін белгі басына ақ жалау іледі. Қазір белгінің орны бар. Көпшілік қауым ол жерді киелі орын санап, аурулы болса барып түнейтін көрінеді.

Сыр өңірінде Сәрке батырдың атына көше берілген.