Жарияланымдар

Алматыда Қадыр Мырзалиевке мемориалды тақта орнатылды

23 Қаңтар 2014
167
0
Алматыда Қадыр Мырзалиевке мемориалды тақта орнатылды
Қадыр Мырзалиев қоғамдық-саяси өмірге белсене араласып, елдік, мемлекеттік мәселелерде азаматтық позициясын таныта білген көрнекті қоғам қайраткері.

Алматыда Қазақстанның халық жазушысы, Мемлекеттік сыйлық иегері ақын Қадыр Мырзалиевке мемориалды тақта орнатылды, деп хабарлайды ҚазАқпарат, қала әкімдігінің баспасөз қызметіне сілтеме жасап.

Қоғам қайраткерлері, ақынның туыстары мен жиналған қауымның алдында мемориалды тақтаны ашқан қала әкімі Ахметжан Есімов Қадыр ақынның қоғамдық-саяси өмірге белсене араласып, елдік, мемлекеттік мәселелерде азаматтық позициясын таныта білген көрнекті қоғам қайраткері болғанын атап өтті.

«Бүгінгі қазақ поэзиясын Қадыр ақынсыз елестету мүмкін емес. Еңбектеген баладан еңкейген кәріге дейін оның жауһар жырларымен сусындап өстік. Өзі өмірден өткенімен, оның сөзі өлмейді», - деді Ахметжан Есімов.

Қадыр Мырзалиев - 50-ден астам өлең жинақтары, әдеби-сынақ және балалар кітаптары мен 200-ден астам ән мәтінінің авторы. Оның өлеңдері орыс, ағылшын, француз, фин, қырғыз, татар және басқа да әлем тілдеріне аударылған.

Мемориалды тақта Қадыр Мырзалиев 1971-1992 жылдар аралығында тұрған және еңбек еткен Жамбыл көшесі, №163 үйдің қабырғасына орнатылды.


Материалды көшіріп жариялау үшін редакцияның немесе автордың жазбаша, ауызша рұқсаты қажет және National Digital History порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. kaz.ehistory@gmail.com 8(7172) 79 82 06 (ішкі – 111)

Пікірлер

Пікір қалдыру үшін кіріңіз немесе тіркеліңіз
Ең көп оқылған
Сауалнама

Қандай саяси күштер Қазақ ұлттық автономиясын құруға ұмтылды?