Жарияланымдар

Исатай мен Махамбет ерлігін насихаттау жалғасуда

10 Қаңтар 2014
152
0
Исатай мен Махамбет ерлігін насихаттау жалғасуда
Исатай-Махамбет батырларды насихаттау ісі жаңа жылда да жалғасын таппақ.

«Исатай-Махамбет» қоғамдық қорының директоры Темірхан Елеубаевтың айтуынша, осы мақсатта арнайы құрылған топ аудандарды аралауда. Жуырда олар Жаңақала ауданында болып, Махамбеттің толғау-термелері мен күйлерінен концерт қойып қайтты, деп хабарлайды baq.kz. 

Ардагер журналист Тихон Әліпқалиев Исатай-Махамбет бастаған ұлт-азаттық көтерілісінің тарихына тоқталса, Жаңақала ауданының түлегі, республикалық байқауларда оза шауып, бәйге алып жүрген домбырашы Ақылбек Бектасов Махамбеттің «Жайық асу», «Қайран Нарын», «Өкініш» күйлерін орындап берді. Ал әншілер Фархат Оразов пен Лаура Мұхамбетжанова ақын толғауларына кезек берді. Концертке жергілікті өнерпаздар да қатысты.

Аудан әкімі Лавр Хайретдинов қор мүшелері мен орындаушыларға жұртшылық атынан алғысын жеткізді.

Осындай өнер сапарымен әнші-күйшілер таяуда Қаратөбе ауданына бет алмақ. Содан кейін Сырым ауданы кезек күтіп тұр. Болашақта белгілі өнер тарландарының қатысуымен Астанада концерт қою ойластырылуда.


Материалды көшіріп жариялау үшін редакцияның немесе автордың жазбаша, ауызша рұқсаты қажет және National Digital History порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. kaz.ehistory@gmail.com 8(7172) 79 82 06 (ішкі – 111)

Пікірлер

Пікір қалдыру үшін кіріңіз немесе тіркеліңіз
Ең көп оқылған
Сауалнама

Қазақстан тарихшылары конгресінде қандай мәселелер айтылуы тиіс?