Жарияланымдар

ҚР Президенті Нұрсұлтан Назарбаев Тараз қаласындағы бірқатар тарихи-мәдени нысандарда болды

22 Қараша 2013
273
0
ҚР Президенті Нұрсұлтан Назарбаев Тараз қаласындағы бірқатар тарихи-мәдени нысандарда болды
Нұрсұлтан Назарбаев республикалық маңызы бар археологиялық ескерткіш болып саналатын «I-XIX ғасырлардағы Тараз» қалашығы археологиялық қазба жұмыстарының жай-күйімен танысты.

Елбасы Нұрсұлтан Назарбаев жұмыс сапары аясында Тараз қаласындағы бірқатар тарихи-мәдени нысандарда болды.

Бұл туралы ҚР Президентінің баспасөз қызметінен хабарлады.

Нұрсұлтан Назарбаев республикалық маңызы бар археологиялық ескерткіш болып саналатын «I-XIX ғасырлардағы Тараз» қалашығы археологиялық қазба жұмыстарының жай-күйімен танысты.

 Қалашықты зерттеу жұмыстары биыл шағын қамал мен шахристан орнын қазуға жұмылдырылды. Зерттеу жұмысы жалпы алаңы 2550 шаршы метрді қамтыды.

 Көне қалашық аумағына археологиялық жұмыстар жүргізу барысында көптеген жәдігерліктер табылды. Қазіргі кезде керамиканың тек өңделген фрагменттерінің саны 33 мың данадан астам, олардың 107-сі тұтас сақталған. Сондай-ақ, 33 монета, әйнектен жасалған 26 бұйым, сүйектен тұратын 5 жәдігерлік табылды.

 Сонымен қатар, Мемлекет басшысы 350 жылдығына арналып салынған Төле би Әлібекұлы ескерткішіне гүл шоғын қойды. Монументтің жалпы биіктігі - 10,5 метр.

 Ескерткіш алдындағы алаңда Нұрсұлтан Назарбаев қала тұрғындарымен де әңгімелесті.


Материалды көшіріп жариялау үшін редакцияның немесе автордың жазбаша, ауызша рұқсаты қажет және National Digital History порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. kaz.ehistory@gmail.com 8(7172) 79 82 06 (ішкі – 111)

Пікірлер

Пікір қалдыру үшін кіріңіз немесе тіркеліңіз
Ең көп оқылған
Сауалнама

Жеті қазынаның қазіргі таңда қайсысы өзекті деп ойлайсыз?