Жарияланымдар

Ақмолалықтар Абылай ханның 300 жылдығын тойлады

07 Қазан 2013
140
0
Ақмолалықтар Абылай ханның 300 жылдығын тойлады
Екі күннен бері Алаш жұртының назары арқа төсіндегі Абылай тойында. Тау тұлғаның тарихи асы бүгін театрланған сахналық көрініспен басталды.

Екі күннен бері Алаш жұртының назары арқа төсіндегі Абылай тойында.

Тау тұлғаның тарихи асы бүгін театрланған сахналық көрініспен басталды. Онда қалмақ батыры Шарышты жекпе-жекте жеңген жас Абылайдың бейнесі сомдалды. Ал аламан бәйге мен түрлі спорттық ойындар той мәртебесін тағы бір белеске көтерді. Жасында Төлебидің түйесін баққан, Абылайлап жауға шапқан, қалмақ батыры Шарышқа садақ тартқан, ақыры үш жүздің басын қосқан. Мұның барлығы – Абылай бейнесі. Бүгінгі сахналық көріністен Әбілмансұр сұлтанның ел бастаған көсем, сөз бастаған шешен ғана емес, сонымен қатар қол бастаған баһадүр, сардар болғанын байқауға болады. Бұл – Қазақ жеріне ат ойнатқан қалмақты қанжығасына байлап абыройы артқан Абылайдың алғашқы жеңісі.

Нөсерлеп жауған жауынға қарамастан сахналық көрініске қатысушылар берілген міндетті абыроймен атқарып шықты. Қазақ сахарасының «Ақтабан шұбырынды, Алқакөл сұлама» кезеңі суреттеліп, ел басындағы нәубет бейнеленді. Қойылымның шарықтау шегі боз биенің сүтіне шомылып, ақ киізге көтерілген хан Абылайдың асқақ тұлғасымен аяқталды.

Аламан бәйге, көкпар, теңге ілу мен аударыспақ сынды ұлттық ойындар той ажарын аша түсті. Байтақ қазақ елінің әр түкпірінен келген сайыпқыран спортшылар хан тойына өз үлестерін қосты. «Тойдың болғанынан боладысы қызық» демекші 6 ай күткен Абылай асы да аттың шабысындай дүрсүлдеп өте шықты. Алайда артында талай жыл айтып жүретін ұлтқа үлгі, ұрпаққа аманат өнегелі сөз қалды.

Дерек көз: 24.kz

Материалды көшіріп жариялау үшін редакцияның немесе автордың жазбаша, ауызша рұқсаты қажет және National Digital History порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. kaz.ehistory@gmail.com 8(7172) 79 82 06 (ішкі – 111)

Пікірлер

Пікір қалдыру үшін кіріңіз немесе тіркеліңіз
Ең көп оқылған
Сауалнама

ҚХА ХХV сессиясында Президент қойған ұлттық бірлік пен келісімді нығайту мақсатындағы міндеттердің ең бастысы қайсысы: