Жарияланымдар

Ұлттық тарихты жаңғырту бірнеше бағытта жүргізіледі – Б. Аяған

01 Қазан 2013
78
0
Ұлттық тарихты жаңғырту бірнеше бағытта жүргізіледі – Б. Аяған
Жетекші ғылыми институттардың веб-сайттары жаңартылып, шетел тілінде шыға бастады. Ғылыми материалдар жинағы арнайы дайындалып, баспаға берілді.

 Елімізде ұлттық тарихты жаңғырту бірнеше бағытта жүргізіледі. Бүгін ұлттық тарихты реформалау мәселелеріне арналған баспасөз мәслихатында «Мемлекет тарихы институты» ММ директоры Бүркітбай Аяған осылай деді, деп хабарлайды BNews.kz тілшісі.

«Ұлттық тарихты жаңғырту бірнеше бағытта жүргізіледі. Нақтылап айтсақ, қазір Мемлекет тарихы институтының ғалымдары қазақ және орыс мектептеріне арналған оныншы сыныптың «Дүниежүзі тарихы» және «Қазақстан тарихы» оқулықтарын сараптамадан өткізді», - деді Б.Аяған.

Ол сондай-ақ, өз сөзінде ұлттық тарихты зерделеу бойынша ведомствоаралық жұмыс тобы отырысының қорытындысы бойынша «Қазақстан тарихы» веб-порталы жұмысын бастағанын атап өтті. 

«Жетекші ғылыми институттардың веб-сайттары жаңартылып, шетел тілінде шыға бастады. Ғылыми материалдар жинағы арнайы дайындалып, баспаға берілді. Ол кітап «Беласу» деп аталмақшы. Онда Қазақстанның жетекші ғалымдарының ұлттық тарихтың бетбұрысы, оны реформалаудың кезеңдеріне арналған мақалалары жинақталған», - деді тарихшы.

Ол, мұнымен қатар, ҚР Білім және ғылым министрлігінің басшылығы зертханалар мен орталықтар құрғанын тілге тиек етті.

«Атап айтсақ, популяциялық генетика орталығы, артефактілерді археологиялық кезеңдеу зертханасы, антропологиялық зертхана, әлем тарихын зерттеу орталығы, Орталық Азия халықтарының дәстүрлі мәдениетін ғылыми-зерттеу орталығы. Бұл орталықтарда қазақстандық және шетелдік ғалымдар жұмысты бастап кетті», - деді Б. Аяған.

Дерек көз: bnews.kz

Сауалнама

Мектептердегі тарих пәнін оқыту деңгейін қалай бағалайсыз?