Жарияланымдар

Тасмола мәдениетінің тарихи бұйымдары табылды

19 Қыркүйек 2013
243
0
Тасмола мәдениетінің тарихи бұйымдары табылды
Қарағандылық археологтар қазба жұмыстарының нәтижесінде біздің заманымызға дейінгі VII ғасыр - ерте темір дәуіріне, яғни, Тасмола мәдениетіне тиесілі тарихи құнды бұйымдарды тапты.

Қарағандылық археологтар «Мәдени мұра» бағдарламасы аясында жүргізген қазба жұмыстарының нәтижесінде біздің заманымызға дейінгі VII ғасыр - ерте темір дәуіріне, яғни, Тасмола мәдениетіне тиесілі тарихи құнды бұйымдарды тапты.

Алдымен белгілі болғаны - Қарқаралы ауданына қарасты Қызылту елді мекеніндегі қорымнан шыққан үй сәні үшін кішірейтіліп жасалған төрт тағанды құрбандық астаушасы.

Ғалымдар көлемі алақандай ғана тұрмыстық бұйым ырым есебінде өз кезінде ықпалды, дәулетті адамдардың арасында сый-сыяпатқа жүрген деп топшылайды.

Археологтардың екінші зерттеу жұмыстарын жүргізген жері - Ақтоғай ауданындағы 3-ші Тасарал қорымы. Екі ай бойғы ізденістің нәтижесі жаман емес. Ол жерден табылған алтын әшекей бұйымдар да өте шебер зергерлердің қолынан шыққаны көрініп тұр.

Дархан Шашенов, Қарағанды облыстық тарихи-өлкетану музейінің бөлім меңгерушісі:

Алтын салпыншаққа қарасаңыз, қазіргі алтын әшекейлерден айырмасы аз. Тоқылып жасалған. Мына асыл тастар да сол кездегі адамдардың осындай ерекше әшекей-бұйымдарды қолданғандығын көрсетеді. Сондай-ақ, ежелгі адамдар жабайы өмір сүрді деген жалаң пікірді жоққа шығарады.


Дерек көз: kaztrk.kz


Материалды көшіріп жариялау үшін редакцияның немесе автордың жазбаша, ауызша рұқсаты қажет және National Digital History порталына гиперсілтеме берілуі тиіс. Авторлық құқық сақталмаған жағдайда ҚР Авторлық құқық және сабақтас құқықтар туралы заңымен қорғалады. kaz.ehistory@gmail.com 8(7172) 79 82 06 (ішкі – 111)

Пікірлер

Пікір қалдыру үшін кіріңіз немесе тіркеліңіз
Ең көп оқылған
Сауалнама

Қазақстан тарихшылары конгресінде қандай мәселелер айтылуы тиіс?