Орталық Моңғолиядағы Ұйғыр тайпасы құлағаннан кейін кейін ондағы біраз тайпа  (эймур, баяндур, татар) қимақ бірлестігіне қосылды. Құрамына эймур, қимақ, қыпшак, татар, баяндур, ланиказ және аджлар тәрізді жеті тайпа біріккен қимақ федерациясы дәл осы уақытты қалыптасты.Қимақ тайпаларының көсемі қарлұқ, оғыз, ұйғыр сияқты басқа да түркітілдес тайпалардың билеушілеріне берілген байғы (жабғы) мәртебесін иемденді. 

Қимақтар мен оның көршілерінің бір-біріне шабуылы біртіндеп бейбіт қарым-қатынасқа ауыса бастады. Мұны сол кездегі Бұлғариядан Еділ бойына, Орта Азиядағы Саманидтерден, оғыздардан, қарлұқтардан, тоғыз оғыздармен қырғыздардан қимақтарға ағылған сауда жолдары айғақтайды. Ұлы Жібек жолы керуенінің бір тармағы Қимақ қағанының Ертістегі ордасы арқылы өткен.