Басты бет Оқиғалар күнтізбесі 1 Наурыз

Оқиғалар күнтізбесі

1 Наурыз

1 Наурыз 1995

1995 жылы Қазақстан халқы Ассамблеясын құру туралы ҚР Президентінің жарлығы шықты

1995 жылғы 1 наурызда Қазақстан Республикасы Президентінің жарлығымен құрылған Қазақстан халқы Ассамблеясы мемлекеттік ұлттық саясат жүйесінде орталық орынға иеленді. 820 астам этномәдени бірлестіктерге ықпал жасап, азаматтық қоғам мен мемлекеттің мүмкіндігін үйлестіріп, ол қоғамдық бірлестіктің негізгі буыны болды. Әлемде аналогы жоқ мемлекеттік қоғамның осы бірегей институты іс жүзінде халықтық дипломатия органы болды. Жұмыс жасаған жылдары Ассамблея этнос аралық даму мәселелері бойынша орталық және жергілікті атқарушы органдар жұмысын үйлестірушісіне айналды. Осы жұмыс этнос аралық келісімді қамтамасыз етудің ақпараттық, білім беру, тәрбиелік, құқықтық, сондай-ақ халықаралық аспектілерін қамтиды.

Президент – Конституция кепілі, Ассамблеяның төрағасы болып табылады, осымен оның жоғары қоғамдық-саяси мәртебесі анықталған. Жоғарғы орган - ҚХА сессиясының шешімдері бүкіл мемлекеттік органдармен міндетті түрде қарастырылуға жатады. 

1 Наурыз 2006

Н. Назарбаев «Қазақстанның әлемдегі бәсекеге барынша қабілетті 50 елдің қатарына кіру стратегиясы» атты Жолдауын арнады

Н.Ә. Назарбаевтың «Қазақстанның әлемдегі бәсекеге барынша қабілетті 50 елдің қатарына кіру стратегиясы» атты Жолдауы (2006 жылғы 1 наурыз)

Қазақстан бүгінгі таңда әлеуметтік-экономикалық жаңару мен саяси демократияландырудың жаңа кезеңіне қадам басқалы тұр.

 Мен өзіміздің әлемдік рейтинг кестесінің жоғары бөлігіне іліккен елдер тобының ішінен орын алуымызға мүмкіндік беретін басты негіздер мыналар деп білемін.

Біріншіден,  өркенді де өршіл дамып келе жатқан қоғамның іргетасы тек қана осы заманғы, бәсекеге қабілетті және бір ғана шикізат секторының шеңберімен шектеліп қалмайтын ашық нарық экономикасы бола алады. Бұл — жеке меншік институты мен келісім-шарттық қатынастарды құрметтеу мен қорғауға, қоғамның барлық мүшелерінің бастамашылығы мен іскерлігіне негізделген экономика.

Екіншіден,біз аға ұрпақты, ана мен баланы, жастарды қамқорлық пен ілтипатқа бөлейтін әлеуметтік бағдарланған қоғам, ел халқының барлық топтары тұрмысының жоғары сапасы мен алдыңғы қатарлы әлеуметтік стандарттарын қамтамасыз ететін қоғам құрудамыз.

Үшіншіден,біз еркін, ашық әрі демократиялық қоғам орнатудамыз.

Төртіншіден,біз дәйекті түрде саяси тежемелік пен тепе-теңдіктің үйлестірілген жүйесіне негізделген құқықтық мемлекет құрып, оны нығайта береміз.

Бесіншіден,біз барлық діндердің тең құқылығына кепілдік береміз және Қазақстанда конфессияаралық келісімді қамтамасыз етеміз. Біз Исламның, басқа да әлемдік және дәстүрлі діндердің озық үрдістерін құрметтеп әрі дамыта отырып, осы заманғы зайырлы мемлекет орнатамыз.

Алтыншыдан,біз қазақ халқының санғасырлық дәстүрін, тілі мен мәдениетін сақтап, түлете береміз. Сонымен қатар ұлтаралық және мәдениетаралық келісімді, біртұтас Қазақстан халқының ілгері дамуын қамтамасыз етеміз.

Жетіншіден,біз өз елімізді халықаралық қоғамдастықтың толық құқылы және жауапты мүшесі ретінде қарастырамыз, ал мұның өзі біздің аса маңызды басымдықтарымыздың бірі. Қазақстан мұнда геосаяси тұрақтылықты және өңірдегі қауіпсіздікті қамтамасыз ету жөнінде маңызды міндеттер атқарып отыр.

Бүгін, cіздерге, құрметті қазақстандықтар, өзімнің жыл сайынғы Жолдауымды арнай отырып, мен Қазақстанның әлемнің бәсекеге барынша қабілетті әрі серпінді дамып келе жатқан мемлекеттерінің қатарына қарай қадам басуы жолындағы негізгі басымдықтарды ұсынғым келеді.

1 Наурыз