Басты бет Оқиғалар күнтізбесі 29 Желтоқсан

Оқиғалар күнтізбесі

29 Желтоқсан

29 Желтоқсан 1998

18 жыл бұрын «Ұлттық мұрағат қоры және мұрағаттар туралы» Заң жарияланды

Қазақстан Республикасының Ұлттық Мұрағаты - қоғамның рухани, мәдени, ғылыми, әлеуметтік - құқықтық қажеттіліктерін қанағаттандыру мақсатында Қазақстан халқының тарихи-мәдени құжаттық мұраларын сақтайтын мұрағаттар, мемлекеттіліктің нысандарын бірі болып табылады. Мемлекеттің өркениеттілігінің деңгейі халықтың естелік құжаттарын сақтаушы мұрағаттарға деген көзғараспен бағаланады. Жаңа астанада Ұлттық мұрағат құру идеясы бүгінгі уақыт талабына жауап. Елбасы Н.Ә.Назарбаевтың қолдауымен 2002 жылы 12 желтоқсандағы № 01- 8.15 тарихи хаттамалық шешімімен Ұлттық мұрағат ғимаратты 2003 жылы Астана қаласында салынатын мемлекеттік нысандар тізбесіне енгізілді.

29 Желтоқсан 1995

21 жыл бұрын ҚР Конституциялық Кеңесі құрылды

21 жыл бұрын ҚР Конституциялық Кеңесі — Конституцияның аса жоғарғы заңдық және тікелей орындалуына ықпал жасайтын орган құрылды. Қазақстан Республикасының Конституциялық Кеңесі жеті мүшеден тұрады, олардың өкілеттігі алты жылға созылады. Аталған органның төрағасы, ҚР Президентімен тағайындалған екі мүшесі, Сенат пен Мәжіліс тараптарынан екі мүшесі бар. 

ҚР Конституциясының 72-бабына сай, Конституциялық Кеңес Республика Президентінің, Парламент депутаттарының сайлауын өткізудің дұрыстығы және республикалық референдум өткізу туралы мәселені шешеді. Ол Парламент қабылдаған заңдардың Республика Конституциясына сәйкестігін Президент қол қойғанға дейін қарайды. Республиканың халықаралық шарттарын бекіткенге дейін олардың Конституцияға сәйкестігін қарайды. Конституцияның нормаларына ресми түсіндірме береді.