Басты бет Оқиғалар күнтізбесі 7 Қараша

Оқиғалар күнтізбесі

7 Қараша
1929 Алматыда «Қызыл әскер» атты қазақ тіліндегі тұңғыш әскери газет аптасына бір рет шығып тұрды
Газет Совет өкіметінің қорғаныс қуатын арттыру, қазақ жастарын әскери өнерге баулу, офицерлердің әскери білімдерін кеңейту, еңбекшілердің Қызыл әскермен байланысын нығайту жолында жұмыс жүргізді.
1931 84 жыл бұрын Қарағанды облысында алғашқы радио хабары эфирге шықты
Қазір облыста ондаған радио торабы, 400 мың радио және 500 мыңнан астам теледидар нүктелері бар. Барлық аудандар мен қалаларда жергілікті радио хабары жұмыс істейді.
1934 81 жыл бұрын Қазақ мемлекеттік академиялық опера және балет театрында «Қыз Жібек» опералық шығармасының алғашқы қойылымы өтті.
Басты партияларды К. Байсейітова (Жібек), Қ. Байсейітов (Төлеген), М. Ержанов (Шеге) орындады.
1956 59 жыл бұрын Арқалық қаласының негізі қаланды
Арқалық 1965 жылы қала мәртебесін алды, 1971 жылы жаңадан құрылған Торғай облысының орталығы болды.

7 Қараша 1929

Алматыда «Қызыл әскер» атты қазақ тіліндегі тұңғыш әскери газет аптасына бір рет шығып тұрды

Қазақ дивизионын, атты әскер полкін жасақтау ісіне белсене атсалысты. Газеттің жұмысына І. Жансүгіров, А. Лекеров, Ә. Көшімов, т.б. белсенділер қатысып тұрды. Оның бүгінгі мұрагері – Қазақстан Республикасы Қорғаныс министрлігінің орталық баспасөз органы – «Қазақстан сарбазы» басылымы.

7 Қараша 1931

84 жыл бұрын Қарағанды облысында алғашқы радио хабары эфирге шықты

7 Қараша 1934

81 жыл бұрын Қазақ мемлекеттік академиялық опера және балет театрында «Қыз Жібек» опералық шығармасының алғашқы қойылымы өтті.

Екі жастың мөлдір махаббаты лиро-романтикалық сазбен өрбіп, армандарына жете алмаған аянышты тағдыры трагедиямен аяқталады. Операда ұлттық вокалдық және аспаптық шығармалар, халық композиторларының (Үкілі Ыбырай, Мұхит, Жаяу Мұса, Тәттімбет) ән-күйлері молынан пайдаланылды. «Гәкку», «Айқара көк», «Аққұм», т.б. халық әндері кейіпкерлердің бейнелерін ашып, шығарманың ұлттық бояуын канықтыра түсті. 

«Қыз Жібек»» операсының қойылуы ұлттық мәдениет тарихындағы айтулы оқиға еді. Опера сахнада ұзақ жылдар қойылып келеді. Әнші артистердің кәсіби деңгейі өсіп, орындаушылық қабілетінің шыңдалуына ықпал етті. «Қыз Жібек» операсындағы әндер, билер көркемөнерпаздар үйірмелері мен жеке орындаушылар репертуарынан берік орын алды. 1968 жылғы 27 қаңтарда «Қыз Жібек» операсының 1000-қойылымы (реж. Б. Досымжанов) өнер мерекесіне айналды.

7 Қараша 1956

59 жыл бұрын Арқалық қаласының негізі қаланды

Соғыстан кейінгі жылдары боксит шоғырларының ашуынан соң пайда болды. 

1956 жылы 17 мамырда КОКП ОК-нің және КСРО Министрлер Советінің бірлескен қаулысы қабылданды, онда «Амангелді боксит кенішінің негізінде Торғай боксит кенішін құру және пайдалану» туралы жазылған жолдар бар. 

1960 жылы Арқалық Бүкілодақтық комсомолдық екпінді құрылыс болып жарияланды.